6 наурыз күні ҚР Ұлттық академиялық кітапхана басшысы Ғазиза Құдайбергенқызы Қазақстанның әлеуметтік даму институтының «Қазіргі қоғамдағы әйелдердің рөлі» тақырыбындағы отырысына қатысты. Қазақстанның әлеуметтік даму институты төрағасының орынбасары Қайдарова Әсем Серікқазықызы модераторлық еткен жиынға Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі Ысқақова Жұлдызай Амангелдіқызы, «Атамекен» ҚР ҰКП Жұмыспен қамту департаментінің сарапшысы Сарина Бақытгүл Сағындыққызы (онлайн), «Қазақстан стратегиялық зерттеулер институты» АҚ саяси зерттеулер бөлімінің аға ғылыми қызметкері Липина Татьяна Александровна, «Қазақстан әлеуметтік даму институты» КеАҚ сараптамалық талдау бөлімінің талдаушы-менеджері Сұлтанғазы Гүлмира Жолмағамбетқызы қатысты. Кітапхана басшысы «Бақытқа ие жандар» тақырыбында баяндамасында кітапханада жұмыс істейтін клубтар мен қазақ, ағылшын, жапон тілдеріндегі курстар жайлы, мәдени іс-шаралар туралы және жақында жұмысын бастайтын «Тұмар» іскер әйелдер клубы жайлы айтып өтті.