«Кітап және қазақ тілді контент»

2023 ж. 4 қараша күні «Кітап және қазақ тілді контент» тақырыбында «Әке мен бала» жобасының кезекті отырысы өтті.

            Қазіргі заман талабына сай  қазақ тілдес кон­тентке сұраныс күн сапап артып келеді. Қоғамда  күнделікті өмірде қолданатын интернет желісі арқылы бүгінгі ұрпақ тәрбиеленуде. Осы тұрғыда әлеуметтік желілерде, youtube желісінде жас жеткіншектер -  балалар  аудиториясына арналған бейне және аудио кітаптарды, саяхаттау бейнебаяндар мен пайдалы бағдарламаларды, анимациялық құрамдасты көбірек жасау ерекше маңызға ие. Шара барысында қатысушылар  балалар контенті мен оның мазмұнына тоқталып, өзіміздің ана тіліміздегі контенттің пайдасын арттырудың жолдары туралы ақпараттармен бөлісіп, пікір алмасты.

            Аталмыш шараға Алма Сайлауқызы, журналист, көп балалы ана, Шыңғыс Бегімтаев, түркітанушы, PhD докторы, Мұстафа Шоқай, Назарбаев университетінің аға оқытушысы, Алексей  Лодочников, белгілі  блогер, сондай-ақ журналистер, ұстаздар, ата-аналар, мектеп оқушылары, кітапхана оқырмандары қатысты. Шараны жүргізген - Жандос Каринбаев, тарихшы, саясаттанушы, кітапхана окырманы, үлгілі әке.