Қолжазбалар әрбір  елдің тарихи-мәдени, қоғамдық-саяси өмірі туралы кең ақпараттың тасымалдаушысы ретінде әрқашан ұлттың мұрасы болып саналды. Әр ел кез келген жағдайда және ғасырлар бойы ежелгі дәуірден бері келе жатқан өзінің баға жетпес жазба ескерткіштерін қастерлейді. Жазбаша әдебиетке ерекше назар аударатын барлық дерлік мемлекеттерде қолжазбаларды кәсіби түрде зерттейтін орталықтар немесе ғылыми-зерттеу институттары бар.

Қазақстан Республикасында кітап ескерткіштерін зерттеу және сақтау саласындағы ғылыми-зерттеу орталықтарының бірі ҚР Ұлттық академиялық кітапханасы.

ҚР Ұлттық академиялық кітапханасының басты басымдығы кітап қоры және оқырмандар, қорларды қалыптастыру қызметі.

Ресей Президенттік кітапханамен ынтымақтастық шеңберінде ел кітапханасының қорына сирек кітаптар жинағын толықтыру бойынша елеулі үлес қосты. Б.Н. Ельцин атындағы Президенттік кітапхана ҚазҰЭК деректер базасын Қазақстанның географиясы, тарихы, мәдениеті бойынша сирек кездесетін кітаптардың 40 данасын сыйлады.

Осы топтамадан қазақ халқының тарихын зерделеу үшін қазақтардың табиғи жағдайларын, ресурстарын, сауда жолдарын, тарихын, мәдениетін тану үшін ұйымдастырылған ғылыми экспедициялар нәтижесінде орыс зерттеушілері жасаған ғылыми еңбектер ерекше қызығушылық тудырады.

Олардың ішінде: Н.П. Рычковтың «Дневные записки путешествия капитана Н. Рычкова в киргиз-кайсацкие степи» 1771 ж., В.В. Григорьев «О достоверности ярлыков, данных ханами Золотой Орды русскому духовентсву» 1842 ж., «Экспедиция в голодную степь» 1938 ж., «Свод материалов по Киргизскому землепользованию, собранных и разработанных экспедицией по исследованию степных областей», «Описание Бухарского ханства» құрастырушысы Н. Ханыков 1906 ж.

Ең құнды сирек қордағы кітаптар: «Киргизские степи, Средняя Азия и северный Китай» 1893 ж., «Отчет старшего производителя по командировке в Тургайскую область для выяснения вопроса о возможности его колонизации», «Очерки по путешествию по Монголии», «Записки Семипалатинского отдела общества изучения Казахстана», Ф. Эрдмана «К истории Чингисхана» 1844 ж., «Материалы по районированию Киргизской республики», «Родословное древо тюрков» 1906 ж., автор Абулгази Бахадурхан.

Құжаттардың электрондық көшірмелері Kazneb.kz сайтына жүктеледі.