12-14 қыркүйек аралығында Ресей Федерациясы Мәдениет министрлігінің шақыруымен Қазақстан Республикасының Мәдениет және спорт министрі Дәурен Абаев бастаған делегация өкілдері Мәскеуде болды. Қазақстан Республикасы мұражайларының, театрларының және білім беру ұйымдарының басшылары Ресей мен Қазақстан арасындағы ынтымақтастық жөніндегі үкіметаралық комиссияның Мәдени ынтымақтастық жөніндегі ведомствоаралық кіші комитетінің отырысына әрі салтанатты гала-концертке қатысты.

Ал 13 қыркүйекте «Ресей мәдени қоры» жанындағы кіші комиссия отырысында Ресей мемлекеттік кино қорының бас директоры Александр Павлов, Ресей мемлекеттік кітапханасының бас директоры Вадим Дуда, баяндама жасады. Театр өнері – Григорий Заславский, Росконцерттің бас директоры Андрей Малышев, «Қазақстан Республикасы Ұлттық музейінің» директоры Айбек Сыдықов, «Жүсіпбек Елебеков атындағы Республикалық эстрада-цирк колледжінің»  директоры –  Жеңіс Сейдуллаұлы, «Қазақстан Республикасы Ұлттық академиялық кітапханасының» директоры – Ғазиза Нұрғалиева,  «Қазақ ұлттық өнер академиясының» ректоры – Азамат Сатыбалды қатысты.

ҚР Ұлттық академиялық кітапханасының директоры Ғазиза Құдайбергенқызы: «Қазір кітапханамызда шетелдік әдебиеттер залы бар. Онда – шетелдік кітаптар мен ТМД елдерінің кітаптары топтастырылған. Жақында кітапханамыздан  – Армения, Әзірбайжан елдерінің орталығын аштық. Ал, бүгін  Иран орталығы ашылды. Біз өзара ынтымақтастықпен тәжірибе алмасып, баршаға ортақ құндылықтарды адамзат деңгейінде насихаттамақпыз»,-деді.

Кездесу қорытындысында Дәурен Абаев Қазақстан мен Ресей арасындағы мәдени диалогты құрудың маңыздылығын атап өтті және кездесуге ресейлік қатысушылардың мұражай, білім беру және кітапхана салаларында алмасу жобаларын жүзеге асыру жөніндегі ұсыныстарын қолдауға дайын екенін жеткізді.