«Қазақ үшін шам қылған жүрек майын»

Кітапханамыздың «Алқа»  әдеби-мәдени клубында әдебиет тарихшысы, алаштанушы, Заңғар Кәрімханның «Қазақ үшін шам қылған жүрек майын» атты лекциясы өтті. Лекция барысында Алаш тарихы және ағартушылық жол туралы сөз болды. Ағартушылық – жақсылыққа, бақытқа ұмтылған күллі елдің бастан өткерер жетілу һәм өрістеу жолы.

Биыл Сұлтанмахмұт Торайғыров, Мағжан Жұмабаев және Біләл Сүлеевтің 130 жылдық мерейтойы. Лекция барысында тұлғалар өмірі, мәдени майдандағы ерлігі айтылып, кітаптары таныстырылды.

ХХ ғасыр басындағы қазақ зиялылары репрессияға ұшырап кеткеннен кейін олар туралы айтылмады, жазылмады. Тіпті кейбір арыстарымыздың еңбегі түгілі есімдерін де ұмыттық. Осы бір олқылықтың шама шарқымызша орнын толтыру мақсатында клубымызда лекция өткізуді шештік. Мақсатымыз есімі аталмай, еңбегі насихатталмай жатқан Алаш қайраткерлерін насихаттау, ұлықтау болатын.