Қазақстан Республикасының Ұлттық академиялық кітапханасында Ұлы Отан соғысы Жеңісінің 80 жылдығына және  Кеңес Одағының Батыры Әлия Молдағұлованың туғанына 100 жыл толуына орай «Қайсар рухты Әлия» атты тарихи сағат өтті.

         Әлия Молдағұлова — Ұлы Отан соғысының аңызға айналған мергені. Ол небәрі 18 жасында майданға аттанып, ерлігімен көзге түсті. 1944 жылы 14 қаңтарда Псков облысының Казачиха ауылында ерлікпен қаза тауып, сол жылдың 4 маусымында Кеңес Одағының Батыры атағына ие болды.

         Іс-шара барысында қатысушыларға батыр қыздың өмір жолы мен ерлігі туралы тарихи деректер ұсынылып, оның патриоттық рухы мен отансүйгіштігі жайлы мазмұнды ақпараттар берілді. Тарихи маңызы зор бұл жиынға кітапхана оқырмандары, Есіл ауданының белсенді өмір сүру орталығының ардагерлерінен құралған “Сағыныш сазы” вокалды ансамбілі, №59 мектептің оқушылары мен ұстаздар қатысты.