ҚР Ұлттық академиялық кітапханасында Қазақстан Жазушылар одағы және Журналистер одағының мүшесі, жазушы, өлкетанушы Кенжебек Сержанұлының «Ер мен ел» кітабының таныстырылымы өтті.

Кітапта маңғаз өлке, майлы қиян Маңғыстау түбегінен шыққан, есімдері халық арасында кеңінен танылған марғасқа тұлғалалардың өмір тарихынан сыр шертіледі. Сонымен қатар елдік істердің ұйытқысы бола білген қайраткер азаматтардың да есімдері кеңінен әңгімеленіп, ерлердің ерен істері баяндалады.

«Ұлт тұлғаларының тарихи еңбегін, тағылымын, даналығын жан-жақты, толық толғап, ұғынықты тілмен жатық түсіндірген. Әрбір кемеңгер тұлғаның өмірбаянын тарихи деректермен нық дәйектеп отырады. Кемел мысалдар келтіріп, афоризмдермен тұздықтап отырады »,- деп баға берді профессор Серік Негимов.

Шараға зиялы қауым өкілдері, көрнекті ғалымдар мен жазушылар, студенттер мен оқырмандар қатысты.