IFLA(WLIC) ДҮНИЕЖҮЗІЛІК КІТАПХАНА ЖӘНЕ АҚПАРАТ КОНГРЕСІ САРАПШЫЛАРЫМЕН КЕЗДЕСУ

17 May 2024

ҚР Ұлттық академиялық кітапханасында 2025 жылғы IFLA(WLIC) Дүниежүзілік кітапхана және ақпарат конгресін Қазақстанда өткізу мүмкіндіктерін талқылау бойынша халықаралық кездесу өтті.

100-ден астам елден үш-төрт мыңға дейін қатысушылар келетін беделді Конгресті елімізде өткізуге «Қазақстан Республикасы Жоғары оқу орындарының кітапханалар қауымдастығы» мен «Қазақ Туризм» Ұлттық Компаниясы ұсыным берген екен. IFLA Басқарушы кеңесі ұлттық қауымдастықтың бір топ сарапшыларын мүмкіндіктерді саралау үшін Қазақстанға арнайы жіберіпті. Олардың ішінде IFLA Бас хатшысының орынбасары Хелен Мандл, IFLA бас кеңсесінің конференциялар мен іс-шаралар жөніндегі менеджері Мари-Эммануэль Маранд, IFLA Басқарушы кеңесінің мүшесі Кирстен Боэлт, жоба менеджері Роберта Одебрехт бар.

Кездесуге Қазақстан Республикасы Мәдениет және ақпарат министрлігінің Архив, құжаттама және кітап ісі комитеті Кітап ісі басқармасының басшысы Алмаз Мырзахмет, Қазақстан Республикасы Кітапханалар қауымдастығының Президенті Гүлжан Иржанова, Кітапханалардың нормативтік құжаттамасы жөніндегі қауымдастық комитетінің төрағасы Петр Лапо және Алматыдағы ҚР Ұлттық кітапханасының мамандары, ҚР Ұлттық академиялық кітапханасының қызметкерлері, сондай-ақ еліміздегі облыстық кітапханалар басшылары өкілдері онлайн форматта қатысты.

Іс-шарада сөз алған ұлттық қауымдастықтың сарапшылары IFLA Дүниежүзілік кітапхана және ақпарат конгресінің Қазақстанда өтуі мүмкіндіктерін саралап, қатысушылардың ұсыныстарын тыңдады.

Өз кезегінде Кітап ісі басқармасының басшысы Алмаз Әмірбекұлы IFLA кітапхана ісінің озық және инновациялық идеяларын шоғырландыратынын, кітапханашылардың кәсіби қарым-қатынасын арттыратынына тоқтала келе, Қазақстан Республикасы Мәдениет және ақпарат министрлігі өз құзыреті шегінде аталмыш ауқымды шараға көпшілікке қолжетімді кітапханаларды қатыстыру және ақпараттық қолдау көрсетуге дайын екендігін жеткізді.

 

Кездесу аясында жоспарлар нақтыланып, кәсіби байланыстар талқыланды.

Іс-шаралар күнтізбесі

29
Маусым

15:00

Speaking club ағылшын тілі курсы

М. Мақатаев залы

27
Маусым

15:00

Кітап тұсаукесері: «Қарапайым кітап» Автор – ақын,сазгер Әл-Фараби Бекарысұлы

Конституция залы