Елордада өтіп жатқан XIII Еуразиялық академиялық кітапханалар конференциясына арнайы келген IFLA ұлттық қауымдастығы мүшелері - Лойда Гарсиа Фебо, Лой Джюн Чин және Мишлин Брюле бүгін ҚР Ұлттық академиялық кітапханаға келді. Қонақтар кітапхананың қызметімен, оқу залдарымен, шетелдік кітап бұрыштарымен, бүгінгі тыныс-тіршілігімен танысты.

Кездесу аясында өткен дөңгелек үстелде әлемдегі кітапханалар арасындағы серіктестікті нығайту жолдары талқыланды. Өз кезегінде сөз алған кітапхана директоры Ғазиза Құдайбергенқызы халықаралық ынтымақтастықты дамытуға, кәсіби байланыстарды қолдауға және бірлескен жобаларды жүзеге асыруға дайын екенін жеткізді