Гарвард университетінің Халықаралық істер жөніндегі вице-провосты, профессор Марк Эллиотт мырзамен кездесу

Гарвард университетінің Халықаралық істер жөніндегі вице-провосты, профессор Марк Эллиотт пен Орталық Азияның Девис - ресей және еуразиялық зерттеулер орталығы бағдарламасының директоры Наргис Кисенова Қазақстанға іс-сапармен келіп, бірқатар мекемелерге арнайы барды.

Олардың қатарында ҚР Ұлттық академиялық кітапханасы да бар. Кітапхананың «Сирек кітаптар және қолжазбалар қорымен», Қазақстандық Ұлттық электронды кітапханасын арнайы таныстырдық. Марк Эллиотт  мырза болашақта сирек қор мен шағатай тіліне байланысты бірлескен жұмыстар атқаруға мол мұра бар екенін атап өтті.

Айта кетейік, 2024 жылдың 21 наурызында Гарвард университетінің Шығыс Азия тілдері және өркениеттері кафедрасының ұйымдастыруымен Гарвард университетінің жанындағы Хоутон кітапханасында «Echoes of the Silk Roads: Exploring Central Asian Manuscripts Across Borders» (Жібек жолының жаңғырығы: шекара арқылы Орталық Азия қолжазбаларын зерттеу) атты семинар жұмысына ҚР Ұлттық академиляық кітапханасының ғылыми қызметкері Бегімтаев Шыңғыс қатысып, «Rare Books and Manuscripts in Chaghatay Language at the National Academic Library of Kazakhstan» (ҚР ҰАК-да сақталған шағатай тілінде жазылған сирек кітаптар мен қолжазбалар) тақырыптарында баяндама оқыды. Нәтижесінде семинарға қатысқан ғалымдар Қазақстанның Сирек құжаттар мен қолжазбалар қорымен танысуға ниет білдірді.

Аталған семинарға қатысуға «Assyltas» қоғамдық қоры демеушілік көрсетті. Қордың құрылтайшысы Дулат Тастекей мырзаға ғылымға көрсеткен қолдауы үшін алғыс білдіреміз!