Қазақстан Республикасының Ұлттық академиялық кітапханасы Ұлттық кітап күніне орай ұйымдастырылған «Ұлт және ұлттық кітап» атты апталық аясында 22 сәуірде «Цифрлық кітапханалар және білім болашағы: эволюция, қолжетімділік және қоғамға әсері» вебинарын өткізді. Вебинардың модераторы – ҚР Ұлттық академиялық кітапханасы басшысының орынбасары – Жолдыбалинов Нұржан Нұрланұлы. «Қазақстандық Ұлттық электронды кітапхана қорын толықтырудағы кітапханалардың үлесі» жайлы ақпаратты кітапхананың Электрондық ресурстарды басқару қызметінің жетекшісі Жакупова Айтоты Бакиевна  жеткізіп, қатысушыларға келешекте бірлесіп атқарар істерге өзінің ұсыныстарын берді.

Вебинарда сөз алғандар  Өскемен қаласындағы А. С. Пушкин атындағы Шығыс Қазақстан облыстық кітапханасының Анықтама жұмысы секторының жетекшісі Жайлибаева Меруерт Нуржанқызы «Электрондық кітапханалар: жұмыс барысында пайдалану және оқырманға ұсыну», Н.В.Гоголь атындағы Қарағанды облыстық әмбебап ғылыми кітапханасының қызметкері Абрамчук Елена Андреевна «Цифровой архив региональной печати: из опыта Карагандинской ОУНБ», Абай облыстық Абай атындағы облыстық әмбебап кітапханасы директорының орынбасары Аязбаева Гүлмира Мұратқызы «Алаш» электронды кітапханасы»,  С.Торайғыров атындағы Павлодар облыстық әмбебап ғылыми кітапханасынан Мырзагалиева Айнель Жанбаевна «Павлодар облысының бірыңғай онлайн кітапханасы», С.Мұқанов атындағы Солтүстік Қазақстан облыстық әмбебап ғылыми кітапханасының Кітапхана үрдістерін автоматтандыру бөлімінің жетекшісі Садыкова Анжела Жоламановна «Краеведческое знание в цифровой среде: опыт Северо-Казахстанской областной универсальной научной библиотеки имени Сабита Муканова», Өскемен қалалық Оралхан Бөкей атындағы Орталықтандырылған кітапханалар жүйесінің цифрлық коммуникациялар бөлімінің жетекшісі Омарова Асель Мухаметкаировна «Электронная библиотека bokey.kz и мобильное приложение bokeymobile», Шығыс Қазақстан облысы Шемонаиха аудандық орталық аудандық кітапханасының меңгерушісі  Горьковая Светлана Анатольевна «Опыт работы региональной библиотеки по формированию и развитию электронного тематического ресурса «А. С. Иванов» тақырыптарында қатысушыларға таныстырылым өткізді.

          Вебинар барысында цифрлы кітапханалар жайлы толғандырған мәселелер төңірегінде ойлар талқыланып, пікірлер ортаға салынды. Ұлттық, облыстық, қалалық, аудандық кітапханаларынан қатысқан 65 маманның әрқайсысы өзіне қажетті ақпарат алып, болашақта жасалатын жұмыстарында пайдаға асар тәжірибе жинақтағанына сенімдіміз.