“Жаһандану дәуіріндегі жасанды интеллекттің әдебиетке әсері» тақырыбында өткен отырыста ЖИ-дің шығармашылыққа ықпалы, ақын-жазушылардың технологияға көзқарасы, әдебиеттің болашағы сынды өзекті мәселелер қозғалды.

Шараға елордалық зиялы қауым өкілдері мен «Шабыт» XXVIII халықаралық фестиваліне қатысып жатқан жас қаламгерлер қатысты.  

Әдеби отырысты клуб жетекшісі, ақын Шерхан Талап жүргізді.  

ҚР Мәдениет және ақпарат министрлігі Кітап ісі басқармасының басшысы Алмас Мырзахмет,  

Қазақстан Жазушылар одағы Астана қалалық филиалының төрағасы Бауыржан Бабажанұлы,  

«Дарын», «Серпер» сыйлықтарының иегері, ақын Алмас Темірбай т.б қатысушылар руханият пен технологияның тоғысындағы әдебиеттің жай-күйіне алаңдаушылықтарын білдіріп, бүгінгі тақырыптың өзектілігіне тоқталды.