Кеше кітапхана басшысы Ғазиза Құдайбергенқызы мен басшының Ақпараттық ресурстар бойынша орынбасары  Нұржан Нұрланұлы Сенаттың Әлеуметтік-мәдени даму және ғылым жөніндегі комитетінің «Білім беру, денсаулық сақтау, жұмыспен қамту саласындағы цифрландыру: жай-күйі, қолжетімділігі және қауіпсіздігі» тақырыбы бойынша өткен үкімет сағатында қабылданған ұсынымдарды іске асыру мәселесіне арналған кезекті отырысына қатысты. 2020 жылы Үкімет сағатында цифрландыру саласының өзекті мәселелері талқыланған еді. Отырыста сол мәсәлелерді шешуге бағытталған жұмыстар баяндалды. Күн тәртібінде жаңа өзгерістер мен халық игілігіне қатысты тың тақырыптар да қарастырылды.

Кітапхана басшысы қазіргі таңда кітапханалардың коворкинг, оқу орталығы, стартап жобаларға қолдау, ақпараттық орталықтың міндетін атқарып отырғандығын, ол үшін кітапхана процестерін автоматтандыру қажет, материалдық-техникалық базасы мықты, үздіксіз интернет болуы шарт екенін атап өтіп, кітапхана саласын цифрландыру жөнінде құжаттарды сандық жүйеге көшіру, бірыңғай электронды каталог, интеграция жасау, ҚазҰЭК дамыту сынды мәсәлелерін көтерді.