«Бес саусақтың бірлігі» ертегілер сағаты

Қазақстан Республикасы Ұлттық академиялық кітапханасында «Әжемнің ертегілері» жобасы аясында «Бес саусақтың бірлігі» атты ертегіні талдау сағаты өтті. Шараны «Қазақ радиосының» ардагер-дикторы Күләш Кәйләнқызы Молдахметова жүргізді.

Ертегінің авторы – жазушы, халықаралық «Алаш» әдеби сыйлығының лауреаты Төкен Әлжантегі.

Бұл туынды жазушының «Базарлық» жинағына енген, онда балаларға арналған тағылымды әңгімелер мен ертегілер топтастырылған.

Шараның мақсаты – жас ұрпақтың бойына адамгершілік қасиеттерді сіңіру, мейірімділікке, бірлікке, татулыққа баулу. Ертегі бес саусақтың татулығы мен бірлігі арқылы ынтымақ, өзара көмек, ізгілік сынды құндылықтарды насихаттайды. Балалар бұл ертегі арқылы бірліктің күші мен жақсылықтың әрдайым жеңіске жететінін түсініп, өз ойларын ортаға салды.

Шараға мектеп оқушылары, ұстаздар және ата-аналар қатысты.