«Әбдіжәміл Нұрпейісов: өмір сыры мен шығармашылығы»:

дөңгелек үстел

       Қазақстанның халық жазушысы, мемлекеттік сыйлықтың лауреаты Әбдіжәміл Нұрпейісовтің туғанына 100 жыл толуына орай Қазақстан Республикасының Ұлттық академиялық кітапханасында «Әбдіжәміл Нұрпейісов: өмір сыры мен шығармашылығы» атты дөңгелек үстел өтті.

      Шараның мақсаты жазушының тұлғалық бет-бейнесін ұлықтау, көркем еңбектерін насихаттау.

       Модератор Қазақстанның еңбек сіңірген қайраткері, жазушы Қуаныш Жиенбай Әбдіжәміл Нұрпейісовтің өмір жолы мен шығармашылығына кеңірек тоқталды. Сонымен қатар сыншы, публицист Амангелді Кеңшілікұлы еңбектерін терең талдап, оның қазақ әдебиетіне, әлемдік әдебиетке қосқан үлесін айтып өтті. Шара барысында жазушының қызы Шұға Нұрпейісованың сөзі тыңдалды. Қонаевтанушы Ораз Қауғабай мен ақын Бауыржан Бабажанұлы жазушы туралы естеліктерімен бөлісті. 

     Шараға зиялы қауым өкілдері мен Әбділда Тәжібаев атындағы Қызылорда облыстық әмбебап ғылыми кітапханасынан және жазушының туған жері Арал қалалық тарихи музейінің қызметкерлері онлайн қатысып, өз баяндамаларын оқыды.