ҚР Ұлттық академиялық кітапханасында балалар мен жасөспірімдерге арналған эстондық кино күндерінің ашылуы өтті.

Шара Қазақстан Республикасының Ұлттық академиялық кітапханасы мен ҚазақстанРеспубликасындағы Эстония Республикасының Елшілігі арасындағы мәдени-гуманитарлық ынтымақтастығы аясында ұйымдастырылды.

Эстондық кино күндерінің ашылуына Эстония кино институтының президенті Эдит Сепп қатысты.

Іс-шараның мақсаты – кітапхана оқырмандарына Эстония мен басқа да елдеркиносының алтын қорына енген балалар мен жасөспірімдерге арналған эстонфильмдерімен таныстыру.

Көрсетілімге 8 танымал фильм мен мультфильмдер ұсынылған.

Оның ішінде 1969 жылы түсірілген «Көктем» атты фильм бар. Бұл фильмде ХІХ  ғасырдың аяғындағы эстондық приход мектебіндегі көңілді әрі лирикалық оқиғалар баяндалған.

Сондай-ақ көрерменге  ажырамас төрт достың детективтік шытырман оқиғалары туралы «Супилиннаның құпия қоғамы», 10 жасар Эйя қыздың отбасылық шытырман оқиғалы «Үкі орманындағы елес», Руби қыз және оның шүберек қуыршағы Сипсик туралы«Сипсик» фильмдері ұсынылады.

Көрсетілімде «Кішкентай сайтан», «Арабелла – қарақшының қызы»,«Каролинаның күміс жіптері» ертегілері және Лотте ит пен оның достары туралы кезектімультфильмдер де бар.

Көрсетілім уақыты  2024 жылдың 28 қарашасы мен 27 желтоқсаны аралығына жоспарланған.Бағдарламаның толық нұсқасы ҚР Ұлттық академиялық кітапханасы мен ЭстонияЕлшілігінің Instagram желісіндегі парақшаларында жарияланады. Сеанстарға кіру тегін.

Ашылу салтанатында Эстонияның Қазақстандағы Төтенше және Өкілетті Елшісі Яап Ора сөз сөйлеп, шараның маңызына тоқталды.