Айдың аппақ жүрегі

24 Қараша 2023

ҚР Ұлттық академиялық кітапханасында  жас ақын, аудармашы Алпамыс Файзолланың «Айдың аппақ жүрегі» атты шығармашылық кеші өтті. Кеш барысында қаламгердің «Жүрек-аспанымның жұлдызы» жыр жинағының тұсауы кесіліп, әдеби таныстырылымы жасалды.

Кітапқа автордың 100-ге жуық өлеңі, балладалары мен аударма жырлары енген. Ақынның туындылары сан алуан тақырыпта (тарихи тұлғаларға арнау, туған жер, ел, ата-ана, махаббат, ізгілікті аңсау, сағыныш т.б.).

Алпамыс Файзолла 1995 жылы 6 наурызда Орал қаласында туған. 2012 жылы туған жеріндегі дарынды балаларға арналған С.Сейфуллин атындағы №11 мектеп-гимназияны бітірген. 2012-2016 жылдарда әл-Фараби атындағы ҚазҰУ журналистика факультетінде бакалаврде, ал 2016-2018 жылдарда Л. Гумилев атындағы ЕҰУ филология факультетінде магистратурада оқыды. Ол – республикалық әдеби байқаулар мен мүшәйралардың жүлдегері, Қадыр Мырза Әлі атындағы медальдің иегері. «Ақ сезімге ескерткіш» (2021), «Жүрек-аспанымның жұлдызы» (2022) жыр жинақтарының және «Аудармалар мен сұхбаттар» (2023) тәржіме кітабының авторы. Өлеңдері шет тілдерге аударылып, Ұлыбритания, Түркия, Әзербайжан, Үндістан, Жаңа Зеландия әдеби басылымдарында жарияланған. 

Ақынның шығармашылық кешіне зиялы қауым өкілдері, қоғам қайраткерлері, ақын-жазушылар, өнерпаздар және кітапхана оқырмандары  қатысты. Шарада сөз алған талантты ақын, зерделі ғалым Сұраған Рахмет кеш иесінің өлеңдеріндегі ерекшелікке тоқталып, жас ақынға жүрекжарды тілегін жеткізді.

 

 

 

Іс-шаралар күнтізбесі

29
Ақпан

09:00

"Шетел әдебиетінің әуескойлар клубы" кітапханадағы клубының отырысы

Шетел әдебиеті залы

8-(7172)-47-26-75

01
Наурыз

10:00

1 наурыз Алғыс айту күніне арналған мерекелік іс-шара

2 қабат, фойе

8-(7172)-47-26-75