''Ауыл кітапханаларына 100 кітап'' акциясы

11 May 2024

Қазақстан Республикасы Мәдениет және ақпарат министрі Аида Балаева Мемлекет басшысының Ұлттық құрылтайда көтерген кітап мәселесін негізге ала отырып, "Ауыл кітапханаларына 100 кітап" атты акция бастаған еді. 
Тағылымды бастаманы қолдау мақсатында ҚР Ұлттық академиялық кітапханасы  Ақмола облысы Целиноград ауданы Қараөткел ауылындағы #1 ЖББОМ мектебінің кітапханасына 100-ден аса кітап тарту етті. Кітапхананың айырбастау-резервтік қорынан топтастырылған кітаптардың ішінде қазақ әдебиетінің үздік туындылары, танымдық-ағартушылық еңбектер, балалар әдебиеті, мектеп бағдарламасында сұранысқа ие авторлардың шығармалары бар.

809 оқушысы бар білім ошағында мектеп кітапханасы жұмыс істейді.  Дегенмен, ауыл кітапханасында көптен бері кітап қоры жаңармағанын, соңғы шыққан жаңа туындылар мен әдеби кітаптардың жетіспейтінін алға тартты мектеп әкімшілігі. Сонымен қатар акцияны ұйымдастырушыларға, кітапхана ұжымына алғыстарын білдірді.

Президент Қасым-Жомарт Тоқаев Ұлттық Құрылтайда сөйлеген сөзінде "Ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз"-деген еді.

Өскелең ұрпақтың кітап оқуға деген қызығушылығын арттыруды көздеген жоба мұнымен тоқтамақ емес. Кітапханамыз алдағы уақытта да ауыл кітапханаларын құнды қазынамен толықтыру жұмыстарына атсалыса бермек.

Іс-шаралар күнтізбесі

28
May

16:00

Португал әдебиетінің бұрышына кітаптарды салтанатты табыстау рәсімі Португал тілі күніне орай

Шетел әдебиеті залы

29
May

11:00

Дөңгелек үстел: «Құдайберген Жұбанов тағылымы» ғалым Құдайберген Жұбановтың 125 жылдық мерейтойына орай

Конституция залы