ҚР Ұлттық академиялық кітапханасында белгілі жазушы Асқар Алтайдың 60 жасқа толуына орай «Алтай балладалары» атты шығармашылық кеші өтті.

Асқар Алтай  1963 жылы Шығыс Қазақстан облысындағы Зайсан қаласында туған. Абай атындағы Алматы мемлекеттік университетінің филология факультетін бітірген. Қазақстан Жазушылар одағының Жастар арасындағы прозашылар форумының, Т.Айбергенов атындағы сыйлықтың, Халықаралық «Алаш» әдеби сыйлығының лауреаты. «Қызыл бөлтірік» кітабы  Халықаралық Сорос қорының бас жүлдесі – грантын жеңіп алған.        Кеште жазушының 60 жасына арнап шығарылған «Алтай новелласы» кітабының және Фолиант баспасынан жарық көрген «Былғары табыт» романының  таныстырылымы болды.

Кештің  мақсаты – жазушының шығармашылығымен таныстыру, оның шығармаларын қалың оқырманға насихаттау және жазушының жинақтарын оқуға шақыру.

         Шығармашылық кеш басында Қазақстан Республикасының Ақпарат және қоғамдық даму министрі Дархан Қыдырәлі Қазақстан Республикасының Президенті   Қасым-Жомарт Тоқаевтың және  Қазақстан Республикасы Президентінің Әкімшілігі Басшысының орынбасары   Аида Ғалымқызы Балаеваның құттықтау сөзін оқыды. Журналист, «Хабар» Агенттігінің Басқарма төрағасы   Берік Уәли Мемлекеттік хатшының құттықтау сөзін жеткізді.  

         Әдеби кешке белгілі жазушы, ҚР Мемлекеттік сыйлығының лауреаты Әлібек Асқар, Қазақстан Республикасы Президентінің кеңесшісі Бауыржан Жұмаханұлы Омаров, ақын,  Абай атындағы Мемлекеттік сыйлықтың иегері Ғалым Жайлыбай, белгілі ақын, ҚР мәдениет қайраткері Бақытжан Тобаяқов, жазушы, сыншы, халықаралық «Алаш» әдеби сыйлығының лауреаты Амангелді Кеңшілікұлы, белгілі ғалым, жазушы, тарих ғылымдарының докторы Тұрсынхан Зәкенұлы ақын, журналист Ықылас Ожайұлы, жазушы,                            ҚР Мемлекеттік сыйлығының лауреаты Сауытбек Әбдірахманов, ақын, Абай атындағы Мемлекеттік сыйлықтың иегері Ғалым Жайлыбай, ҚР ҰҒА академигі, «Қазақ газеттері» ұжымының Бас директоры Диқан Қамзамбекұлы,  ғалым, филология ғылымдарының кандидаты Қайырбек Кемеңгер, ақын, Өскемен қаласы ішкі саясат басқармасының басшысы  Қалқаман Сарин  сынды белгілі тұлғалар және  т.б. ақын-жазушылар, журналистер, жастар мен жалпы әдебиет сүйер қауым қатысты.