ҚР Ұлттық академиялық кітапханасында ұлт көсемі, ақын, жазушы, қоғам және мемлекет қайраткері, Алаш арысы Міржақып Дулатұлының туғанына 140 жыл толуына орай «Алаш қайраткерлерінің тілтанымдық саясаты» атты халықаралық ғылыми-тәжірибелік конференция өтті.

Конференцияның мақсаты – Міржақып Дулатұлының ағартушылық, саяси-ағартушылық, ұлттық идеяны насихаттаудағы еңбегін жан-жақты талдап, қазіргі заманмен сабақтастыра отырып ғылыми тұрғыдан зерделеу, жастарға Алаш идеясының мән-маңызын түсіндіру.

Шараны ақын, ҚР Мәдениет қайраткері, ҚР Ұлттық академиялық кітапханасының ғылыми хатшысы Аслан Ғафуров жүргізді.

Филология ғылымдарының кандидаты, профессор Нұржан Қуантаев, Ұлттық құрылтай мүшесі, профессор ЕНУ-дің доценті Мұратбек Тоқтағазин,  Академик МОН РК. Профессор т.ғ.д. Ғани Қарасаев, турколог, Халықаралық сарапшы Едіге Қожахмет, Халықаралық сарапшы Даму Омарғазыұлы, «Қазақстан» РТРК» АҚ Басқарма Төрағасының орынбасары Еркін Мұхамеджанов, «AIQYN» республикалық сайтының бас редакторы Майра Бақытқызы сынды шара қатысушылары Алаш қайраткерінің қазақ тілін дамыту жолындағы қызметі, тіл саясатына қатысты ұстанымдары мен көзқарастары, бүгінгі тіл ғылымына, журналистика саласына әсері мен ықпалы жайын жан-жақты талқылады.

Шараға Мемлекет және қоғам қайраткерлері,  Алаштанушы ғалымдар, БАҚ өкілдері, журналистер, ЖОО-ның магистранттары мен студенттері қатысты.