ҚР Ұлттық академиялық кітапханасының директоры Нұрғалиева Ғазиза Құдайбергенқызы 24-27 мамыр аралығында  Қырғызстан Республикасының астанасы Бішкекте өткен  «Ақпараттық қоғамдағы тарих институттары, кітап және оқу» тақырыбында ІІІ Халықаралық ғылыми-практикалық конференция жұмысына қатысты.

Конференцияның «Кітапханалар  және цифрлық әлемде оқуды қолдау»  секциялық отырысында «Кітап пен оқуды насихаттаудың заманауи үлгілері: ҚР Ұлттық академиялық кітапхана тәжірибесінде» тақырыбында баяндама жасады.

Конференцияға оқуды қолдау мен дамыту жөніндегі жетекші институттардың – ғылым, білім, мәдениет, байланыс және ақпарат саласындағы уәкілетті органдар мен мекемелердің (кітапханалар, мұражайлар, мұрағаттар, драма театрлары, БАҚ, және т.б.) басшылары мен өкілдері, баспалар, қоғамдық ұйымдар мен бизнес өкілдері, сондай-ақ ТМД қатысушы мемлекеттердің (Әзербайжан, Армения, Беларусь, Қазақстан, Қырғызстан, Молдова, Ресей, Тәжікстан, Түркіменстан, Өзбекстан) саясаткерлері, жазушылары мен журналистері қатысты.

Конференция [Өлкеаралық кітапханалық ынтымақтастық орталығы], «Информация для всех» ЮНЕСКО бағдарламасының Ресей комитеті, Тәуелсіз Мемлекеттер Достастығына қатысушы мемлекеттердің гуманитарлық ынтымақтастықтың мемлекетаралық қорының қолдауы мен  Қырғызстан Республикасының Ұлттық тарихи музейі және Қырғыстан Республикасының мәдениет, ақпарат, спорт және жастар саясаты министрлігінің қолдауымен ұйымдастырылды.