Қазақстан Республикасы Мәдениет және ақпарат министрлігінің қолдауымен ҚР Ұлттық академиялық кітапханасының ұйымдастыруымен тұңғыш рет  кітапханашылар мен  кітапхана саласында қызмет ететін шығармашыл ақындар  арасында  Абай Құнанбайұлының 180 жылдық мерейтойына  арналған

«АБАЙДЫҢ АЛЫП АЙДЫНЫ»  атты республикалық жыр мүшайрасы өтті.

Мәдениет пен әдебиетті, ұлттық ғылым мен өнерді қолдау, кітапхана мен кітапханашы еңбегін насихаттау мақсатында өткен еліміздің түкпір түкпірінде кітапхана саласында қызмет етіп жүрген ақындар қатысты.

Байқаға қатысуға 100-ге жуық үміткер өтінім жіберіп, 75 қатысушы өзара бақ сынасты.  

Байқауға зиялы қауым өкілдері, белгілі ақын-жазушылар қазылық етті.

 Кітапхана басшысы Күміс Қарсақбайқызы жиналғандарды Абай тойымен құттықтап, қатысушыларға сәттілік тіледі.

ҚР Ұлттық академиялық кітапханасының ғылыми хатшысы,  халықаралық «Абай қорының» басқарма мүшесі Аслан Ғафуров, мүшайраның қазылар алқасының төрағасы, жазушы, Мемлекеттік сыйлықтың лауреаты. Әлібек Асқаров,  прозашы, ақын Нұржан Қуантайұлы сынды зиялы қауым өкілдері тұңғыш рет ұйымдастырылып отырған жыр мүшайрасының маңыздылығына тоқталды.

 Жыр мүшәйрасының жүлдегерлеріне арнайы дипломдар мен “Абай 180 жыл” мерейтойлық төсбелгілері, мүшайра өлеңдерінен құрастырылып басылған «Абайдың алып айдыны» атты кітап табыс етілді. Жинаққа мүшайраға қатысқан барлық ақындардың өлеңдері топтастырылған. Әрбір қатысушыға алғыс хаттар мен мерейтойлық кітап естелікке берілді.

ҚР Ұлттық академиялық кітапханасы тұңғыш рет кітапхана саласы қызметкерлері арасында ұйымдастырылған жыр мүшайрасын жыл сайын дәстүрлі өткізуді жоспарлап отыр.