2024 жылдың 22-26 сәуір аралығында Дүниежүзілік кітап және авторлық құқық күні мен Қазақстан Республикасы Ұлттық академиялық кітапханасының 20 жылдығына орай кітап апталығы өтеді

18 Сәуір 2024

Баспасөз парағы

 

2024 жылдың 22-26 сәуір аралығында Дүниежүзілік кітап және авторлық құқық күні мен Қазақстан Республикасы Ұлттық академиялық кітапханасының 20 жылдығына орай  «Кітапхана. Кітап. Оқырман» атты кітап апталығы өтеді. 

Аптаның басы – «Құнды қазына» ашық есік күнінен бастау алады.  Оқырмандар мен қонақтар үшін арнайы көрме қойылады. Осы күні сағат 11.00-ден бастап кітапхананың ұлттық электрондық кітапханасы базасын толықтыру мақсатында ақын-жазушылармен, ғалымдармен, зиялы қауым өкілдерімен яғни авторлармен келісім шартқа отыру рәсімі ұйымдастырылады. 

23 сәуірде  кітапхана ісін жаңашылдық пен жасампаздық негізді дамытуға арналған «Кітапхана саласының ашылмаған континенті» атты семинар, тренингтер ұйымдастырылады. Сол күні ақын-жазушы Ильяс Юсупжановтың  «Қазақ хандары - Керей мен Жәнібек туралы» комикстердің тұсаукесері өтеді. Сонымен қатар,әдебиетші Ақерке Асан кітап оқудағы пайдалы әдеттер турасында лайфхактармен бөліссе, журналист, тележүргізуші  Айнұр Омар «Менің өмірімдегі кітаптар» атты тренинг өткізеді. Ал жеке брендинг маман Айжан Киманова оқырмандарға «Мақсатқа қалай жетуге болады?» атты  коуч-сессия ұсынады.

24 сәуір күні  «Көмбедегі кітаптар» сирек қорлар таныстырылымы аясында      «Электрондық мәліметтер базасы оқу үдерісін және ғылыми қызметті қолдаудың тиімді құралы ретінде IVIS деректер базасын пайдаланудың негізгі жұмыс принциптері талқыланады.    «Хасен Оралтай қоры және ұлттық құндылықтар»  атты практикалық сағат өтеді.  Сонымен қатар жуырда АҚШ-тағы Гарвард университетінің Хоутон кітапханасына барып, біліктілігін арттырып келген кітапхананың ғылыми қызметкері Шыңғыс Бегімтай тәжірибесімен бөліссе, кітапхана маманы М.Төлепбай 
Қ. Сәтпаевтың 125 жылдығына орай «Ғалымның хаты өлмейді» атты дәріс өткізеді. 

Кітап апталығының төртінші күні балаларға арналған интеллектуалды шаралар, кітап көрмесі, логикалық ойындар, сайыстар ұйымдастырылады.

27 сәуір күні Қазақстан және Индонезия ақындарының онлайн кездесуі өтеді деп жоспарлануда.

Биыл ҚР Ұлттық академиялық кітапханасының құрылғанына – 20 жыл. 2004 жылдың 23 сәуіріндегі ҚР Үкіметінің № 461 Қаулысымен құрылған кітапхана халықаралық аренада жылдан жылға өз мәртебесі мен беделін биіктетіп отырған ірі ақпараттық-анықтамалық, ғылыми-өлкетанулық, мәдени-ағартушылық орталықтардың бірі.

Қазақстан Республикасының Ұлттық академиялық кітапханасы

                                                      Байланыс ақпараттары: Астана қаласы,  Достық көшесі, 11.

e-mail: uak_2022@mail.ru Аккредитация үшін:  87027639151

Іс-шаралар күнтізбесі

28
May

16:00

Португал әдебиетінің бұрышына кітаптарды салтанатты табыстау рәсімі Португал тілі күніне орай

Шетел әдебиеті залы

29
May

11:00

Дөңгелек үстел: «Құдайберген Жұбанов тағылымы» ғалым Құдайберген Жұбановтың 125 жылдық мерейтойына орай

Конституция залы