С целью создания устойчивых и продуктивных ЭМ-ассоциаций была изучена биосовместимость отобранных штаммов бактерий. Исследование биосовместимости показало, что исследуемые все штаммы не обладают антагонизмом друг к другу. На основе этих штаммов возможно создание ЭМ-ассоциаций агрономических ценных микроорганизмов, планируемых для применения при восстановлении пастбищных земель

Мақалада Alternaria brassicae (Berk.) Sacc. түріне дәрілік мелисса (Melissa officinalis L.), зірә (Cuminum cyminum L.), шар тәрізді эваклип (Eucalyptus globulus Labill.), дәрілік сәлбен (Salvia officinalis L.), сопақ жапырақты лаванда (Lavandula angustifolia Mill), хош иісті насыбайгүл (Ocimum basilicum L.), дәрілік гүлшетен (Rosmarinus officinalis L.), раушан (Rosa L.), даршын (Cinnamomum verum J.Presl), кәдімгі жебір (Thymus vulgaris L.) өсімдіктерден бөліп алынған эфир майларының әсері зерттелді. Ауру тудырушы саңырауқұлақ түріне қарсы өсімдік экстраттарының тежегіштік белсенділігі анықталды.

Зерттелген аймақтың флорасында 41 тұқымдасқа, 108 туысқа жататын өсімдіктердің 136 түрі анықталған. Көпжылдық шөптесін өсімдіктер (92 түр), біржылдық шөптесін өсімдіктер (20 түр), бұталар (8 түр), жартылай бұталар (7 түр), екіжылдық шөптесін өсімдіктер (6 түр), ағаштар (3 түр). Тіршілік формаларының зерттеу сараптамасы бойынша өсімдіктердің жасына қарай өзгеруі поликарпты (80,80 %) және монокарпты (19,12 %) түрлері анықталды.

Lonicera iliensis Pojark. өсімдігінің жас, орта және генеративтік дарақтары жапырақ тақтасының анатомиялық құрылысын зерттеу үш популяция, тоғыз ценопопуляцияда жүргізілді. Іле ұшқатының бірінші популяциясы - Алматы облысы, Балқаш ауданы, Бақанас елді мекеніне жақын Іле өзені жағалауынан, үшінші популяциясы Алматы облысы, Райымбек ауданы, Ақтоғай шатқалындағы, Шарын өзені жағалауынан табылды.

Зерттеу нысаны ретінде Талас ауданындағы Кеңес және Шакиров ауылдық округтері алынды. 2015 жылдағы зерттеу нәтижелерін салыстырғанда өсімдіктер жабынында, атап айтқанда метеорологиялық динамикасы, экологиялық жағдайлары, өсімдік түрлері мен жекелеген контурлардың құрамында өзгерістер анықталды

Мақалада дәрілік шүйіншөптің (V. officinalis) зертханалық және екпе жағдайында өсіп-дамуына, морфогенезіне сипаттама берілген. Онтогенез барысындағы ботаникалық даму ерекшеліктері, тіршілік кезеңдері мәліметтер түрінде көрсетілген. Онтогенездік кезеңдері және дәрілік шүйіншөптің Оңтүстік Қазақстанда өсіру ерекшеліктері мен ұсыныстар беріліп, өсімдіктің жақсы өсіп дамуы үшін қандай топырақта және қандай алдыңғы дақылдан кейін егу керектігі анықталған.

Бұл мақалада шылаңдар (Potamogetonaceae Dum.) тұқымдасының туыстық және түрлік анықтағыш кілттері қазіргі таксономиялық жүйеге сәйкес мемлекеттік тілде берілген. Шылаңдар тұқымдасында 24 түрді қамтитын Шылаң, Руппия, Занникеллия 3 туыс бар.

Бүйрек жетіспеушілігі кезінде негізінен бүйрек ұлпаларының жұмысы бұзылады, соның салдарынан зат алмасу кезінде іріктелген улы заттардың ағзадан шығарылуы баяулайды. Ағзаның және мүшелердің физиологиялық күйіне диагностика жасауға бионүктелердің биофизикалық, физиологиялық көрсеткіштері жақсы ақпарат көзі болып табылады. Зерттеу жұмысына қалыпты және бүйрек ауруына шалдыққан оқушылар қатысты, бұл топтардағы оқушылардың ағза терісіндегі биологиялық активті нүктелердің температуралық көрсеткіштері зерттелді.

Мақалада "Қашағай шашу-шабақ өсіру шаруашылығы" РМҚК базасында өсірілетін, жасанды құрама жемдер: польшалық "Aller aqua" (бақылау тобы), "Қазақ қайта өңдеу және тамақ өнеркәсібі ғылыми-зерттеу институты" ЖШС жасаған құрама жем және "Қарағанды" жемдерімен (тәжірибе тобы) қоректендірілген тиляпия (Oreochromis niloticus) балықтарының жас шабақтарының кейбір мүшелеріне гистологиялық тұрғыдан баға берілген.

Шикізатта бар целюлоза биоконверсиясы мал шаруашылығында микробтық ақуыз бен пробиотиктермен байытылған жем өнімдерінің құндылығын арттыру үшін арналған. Бірлескен қатты фразалы ферменттеу кезіндегі екі микроорганизм топтары, бастапқы субстрат биоконверсия құралы болып табылады. Шикізатты қанттау - конверсиясының бірінші кезеңде жүзеге асырылатын Bacillus бактериясы болып табылады. Екіншіден, ол ақуыз продуценттерінің арнайы ашытқы штаммдары.