Елордада Altyn Qyran Foundation қоғамдық қорының ұйымдастыруымен студенттермен кездесу өтті.
06 декабря 2023
Бұдан бұрын белгілі кәсіпкер, меценат, Altyn Qyran Foundation қоғамдық қорының негізін қалаушы Исламбек Төлеутайұлының бастамасымен қазақстандық блокчейн-технологиялар қауымдастығының қолдауымен криптоиндустрия және блокчейн технологиялары туралы 4 бестселлер туынды қазақ тіліне аударылған еді.
Енді жаңа технологиялар туралы төрт əлемдік бестселлер еліміздің барлық қалалық жəне облыстық кітапханаларына жіберілетін болады.
Исламбек Салжанов қазақ тілінің білім берудегі өзектілігіне тоқталды. Сондай-ақ, барлық қалалық жəне аудандық кітапханаларға 8 мың дана кітап тапсырылатынын хабарлады.
Бұл жұмысты Altyn Qyran Foundation қоғамдық қоры Қазақстан блокчейн технологиялары жəне деректер орталықтары қауымдастығымен, «Қазақ тілі» халықаралық қоғамы сондай-ақ ҚР Ұлттық академиялық кітапханасы жəне «Қазпошта» АҚ-мен бірлесіп атқарады.
«Блокчейн технологиясы», «Ақшаның қысқаша тарихы», «Криптовалюта дəуірі» жəне «Шындық машиналары» атты кітаптар блокчейн технологиялары, криптоиндустрия, WEB3 қандай екендігі жəне прогресс қайда жатқаны туралы қызықты мәліметтерге толы əлемдік туынды.
Жиынға «Қазақ тілі» халықаралық қоғамының президенті Рауан Кенжеханұлы, «Қазпошта» АҚ басқарма төрағасы Əсел Жанасова, Ұлттық академиялық кітапхананың директоры Ғазиза Нұрғалиева жəне Блокчейн технологиялары мен деректер орталықтары қауымдастығының басқарма төрағасы Дəурен Қарашев қатысты.
Бұл кітаптардың барлығы онлайн форматта «Алтын Қыран» қорының ресми сайтында қолжетімді.
«..Біз өте күрделі кезеңде өмір сүріп жатырмыз. Бəрімізге блокчейн технологиясы, жасанды интеллект, заттардың интернеті, кеңейтілген виртуалды шындық жəне т.б. сияқты жаңа технологияларды меңгеру керек. Ал болашақта оларға өзіміз де бір нəрсе қосуға тиіспіз. Бұл технологиялар əлі даму сатысында. Ал біз, қазақстандықтар, ең алдымен, жастар осы үдерістердің басында болуымыз керек.», - деді Исламбек Төлеутайұлы.
Іс-шарада Блокчейн технологиялары жəне дата орталықтары қауымдастығының басқарма төрағасы Дәурен Қарашев «Блокчейн, криптоиндустрия жəне Web3 дегеніміз не» деген тақырыпта баяндама жасады.
Іс-шарада Блокчейн технологиялары жəне дата орталықтары қауымдастығының басқарма төрағасы Дәурен Қарашев «Блокчейн, криптоиндустрия жəне Web3 дегеніміз не» деген тақырыпта баяндама жасады.
