Ынтымақтастық туралы меморандум жасалды
14 июня 2023
Алматы қаласында Ұлттық академиялық кітапханасы мен Қазақстан республикасы Ғылым және жоғары білімі министрлігі Ғылым комитетінің «Ғылым ордасы» ШЖҚ РМК, Қ.А.Яссауи атындағы Халықаралық қазақ-түрік университетінің Еуразия ғылыми зерттеу институты және Ахмет Байтұрсынұлы атындағы тіл білімі институты арасында өзара ынтымақтастық туралы меморандум жасалды.
Меморандум аясында Ұлттық академиялық кітапханасының директоры Ғазиза Нұрғалиева ұйым басшыларымен кездесіп, кітапхана ісі, библиография және басқа да сабақтас ғылымдар, кітап алмасу, мәдени бағдарламалар, мамандардың кәсіби деңгейін арттыру, қазіргі заманғы цифрлық технологияларды дамыту және оқырмандар санын көбейту сияқты ортақ мүдделер, тараптар ынтымақтастығын арттырудың жолдары талқыланды.
Ынтымақтастық меморандумын жасасқан үш ЖОО-ның озық әлемдік тәжірибеге негізделген сан-салалы, қорларында сақтаулы ғылыми еңбектері, сирек кітаптары ҚР Ұлттық академиялық кітапханасының http://kazneb.kz/ порталына енетін болады.