Бүгін Астана қаласында Түркі академиясының президенті Шаһин Мұстафаев Қазақстан Республикасының Ұлттық академиялық кітапханасының директоры Ғазиза Құдайбергенқызымен кездесті.

Тараптар екі ұйым арасындағы ғылыми ынтымақтастықтың, сондай-ақ бірлескен жобаларды іске асырудың мүмкіндіктерін талқылады.

Кездесу барысында ұйымдардың басшылары өзара ынтымақтастықты нығайта түсуге уағдаласып, әріптестік туралы Меморандумға қол қойды.

Меморандум екі тарапқа бірлескен ғылыми іс-шаралар ұйымдастыруға, тәжірибе алмасуға, бірлескен семинарлар мен тренингтер өткізуге, сонымен қатар маңызды ақпараттар және кітаптар алмасуға мүмкіндік береді.

Кездесу аясында Академия басшысы кітапхана қорымен, оның түркология саласындағы ғылыми еңбектермен танысты.

Кітапхана директоры Ғ. Құдайбергенқызы түркология бағытындағы кітаптар мен сирек қолбазалар туралы ақпарат беріп, аталған құнды қорлардың түркі тілдерін зерттеуге, жазбаша ескерткіштердің мәтіндерін зерделеуге мүмкіндік берітінін атап өтті.

Өз кезегінде Ш.Мустафаев Түркі академиясы мен Ұлттық академиялық кітапхана арасында бірлескен жобаларды жүзеге асырып, келешекте түркология саласына қатысты кітаптардың электронды нұсқалары мен каталогтарын жасақтақтап шығаруға үлесін қосуға дайын екенін айтты.