Қазақстан Республикасы Ұлттық академиялық кітапханасының ұжымы Мемлекет басшысы Қасым-Жомарт Тоқаевтың Қазақстан халқына жолдауын тыңдады!

Мемлекет басшысы Қазақстан халқына бұл жолғы Жолдауында да елдің экономикалық саясатына қатысты біршама  ұстанымдар мен тапсырмалар берді.

Парламент палаталарының бірлескен отырысында Мемлекет басшысы 2029 жылға қарай ұлттық экономиканың көлемін ұлғайту мақсатын қойды.

 «2029 жылға қарай ұлттық экономиканың көлемін 2 есеге ұлғайту, яғни 450 миллиард долларға жеткізу», - деді Қасым-Жомарт Тоқаев.

Президент адал азамат пен тұғырлы тұлға болудың негізі бала кезден қалыптасатындықтан жас ұрпақтың қауіпсіз әрі алаңсыз өмір сүруін қамтамасыз ету керек екенін алға тартты.

Сондай-ақ, елді қуантқан тағы бір жайт- Президент Қасым-Жомарт Тоқаев 2024 жылдың 1 қаңтарынан бастап ең төменгі жалақы мөлшерін көтеруді тапсырды.  

"Отбасы банкінің" қызметін қайта қарау, агроөнеркісіпті, туризмді, креативті экономиканы, орта кәсіпкерлікті, тағы көптеген саланы дамытуға арналған жоспарларымен бөлісті.

IT қызметтерінің көлемін арттыруға тапсырмалар жүктелді.  Үкіметке 2026 жылға қарай IT қызметтерінің экспортын бір миллиард долларға жеткізуді талап етті. Бұл тапсырма біздің салаға да қатысты болғандықтан, алға үлкен жоспар жасалмақ. 

Жолдауда айтылған тағы бір жаңа тіркес – жаңа тұрмыстық мәдениетті қалыстапстыру жолдары. Соның ішінде, халықты мәдениетті сақтай отырып, үнемшілдікке шақыруы да көптің көңілінен шыққан үндеу еді.

Әділетті Қазақстан және Адал азамат ұғымдары егіз құндылық ретінде әрдайым қатар жүруге тиіс деген Президент Қасым-Жомарт Тоқаев ұлттың жаңа сапасын қалыптастыру жолында жұмыстанудың маңызын жеткізді.