Жыл сайын дәстүрлі түрде өтетін халықаралық IFLA Дүниежүзілік кітапхана және ақпарат конгресі биыл бес күнге жоспарланған.

Халықаратық шараға қатысып жатқан ҚР Ұлттық академиялық кітапхананың директоры Ғазиза Құдайбергенқызының мәліметінше, әлемнің түкпір-түкпірінен келген білікті кітапханашылар өзара тәжірибе алмасып, жаңа ақпараттық технологиялар мен кітапханашылардың жетістіктерін талқылап, кәсіби байланыстар мен ұзақ мерзімді ынтымақтастық орнатуда. Конгреске жиналғандар түрлі ақпараттық стенттермен, кітапханаға арналған техникалық құрылғылармен, электрондық базалармен танысып, іскерлік келіссөздер жүргізуде.

   

IFLA-ның негізгі мақсаты – кітапханалар арасындағы халықаралық ынтымақтастықты нығайту және дүние жүзіндегі кітапханаларға кітапханалық-ақпараттық қызмет көрсетудің жоғары деңгейін қолдау.