“Алқа” әдеби-мәдени клубы Халед Хосейнидің “Жарқыраған мың күн” атты кітабын талдады. “Жарқыраған мың күн” Нобель сыйлығына ұсынылған бестселлер кітап.

"Ай сәулесі шатырда, айдың санын кім білген,

Жарқыраған мың күн де қабырғадан көрінбес"

Күн бәрібір жарқырап шығары анық. Әйтеуір бір күні ауғанның да басына дәурен орнар. Мейірімділік таңы атар. Жарқыраған мың күні шығар деген жазушы үміті де бар сияқты. Бұл жолғы талқылау сараптамалық-анализ жасау арқылы жүзеге асты. Оқырмандар ауған әйелдерінің басынан өткен ситуацияларын қазақтың бүгінгі жай-күйімен ұштастырды. Қатемізбен оң шешімдерімізді саралады.

Кітаптың бас кейіпкері  Мариямның әкесі хатында  "Саған жақсы әке болуға менде махаббат жетпеді, бәлкім мені кешіруге сендегі махаббат жетер. Үмітім аз, бірақ соған сенгім келеді" -дейді.

Алқалық оқырмандар осы хаттан түйін шығарды. Бұл өмірдегі қай мәселенің болса да шешімі - махаббат. Бізге жетпейтіні тек мейірім мен махаббат!

 Мың ақылдыдан бір мейірімді артық!