Биыл- Түркістан облысына 5 жыл. Осы орайда облыстық «Фараб» әмбебап ғылыми кітапханасы «Бес жылдыққа – бес әдеби сапар» атты рухани, мәдени іс-шара ұйымдастыруда.  Мақсаты -Түркістан облысының руханият, әдебиет және мәдениет саласында болып жатқан жаңалықтарымен бөлісу. Түркістан облысы әкімінің орынбасары Бейсенбай Тәжібайдың бастауымен жолға қойылған «Ауыл кітапханаларына 20 мың кітап» акциясына кітап қорын қалыптастыру,  облыстағы ауыл кітапханаларының қорын байыту. Сапарда өлкетану бағыты бойынша кітап көрмесі, көрме инсталляциялар, концерттік бағдарлама, зиялы қауым өкілдерімен кездесу ұйымдастырылады. Сапар Тараз, Алматы қалаларынан басталып, 25 мамыр күні «Рухани Түркістаннан – Елордаға»  деген атаумен Астана қаласындағы Ұлттық академиялық кітапханада жалғасын тапты.

Мәдени шараға  облыс әкімінің орынбасары Бейсенбай Дәулетұлы, облыстық мәдениет және туризм басқармасының басшысы Әзімхан Серікұлы, Ордабасы ауданының Құрметті азаматы - Әкім Ысқақ,  Ақын, ҚР Парламенті Мәжілісінің депутаты -  Қазбек Иса, ҚР Парламенті Сенатының депутаты Әли Бектаев, ҚР Парламенті Мәжілісінің комитет мүшелері -Қайрат Балабиев,  Ұласбек Сәдібеков, Дархан Мыңбай , ақын Тұрмағанбет Кенжебаев, жазушы Жүніс Сахиев, Қазақстан Жазушылар одағының Түркістан облысы филиалының төрағасы Айдар Сейдазым, Қазақстан Жазушылар одағының Астана қаласындағы  филиалының төрағасы Дәулеткерей Кәпұлы,  филология ғылымының докторы, профессор Кәрімбек Құрманалиев, журналист Еркін Қыдыр, ақын, журналист Әшімжан Жанарбек, Түркістан облыстық «Фараб» әмбебап ғылыми кітапханасының директоры – Жанат Шардарбекова,  айтыскер ақын Еркебұлан Қайназаров,  ақын Батырхан Сәрсенхан, сондай-ақ, әдеби және ғылыми ортаның өкілдері, өнерпаздар, кітапханашылар қатысты.