Кітапханамыздың қызметкері Бекмұрзаева Мәдина 17-22 сәуір аралығында Ресейдің Санкт-Петербург және Мәскеу қалаларында өткен «Библиотечный диалог стран СНГ» халықаралық форумына қатысып қайтты. Форум ТМД елдерінің  30-ға жуық жас кітапханашы мамандарының басын қосты. Халықаралық шара Санкт-Петербург қаласының В.В.Маяковский атындағы қалалық көпшілік кітапханасынан басталып, одан әрі Невский-АРТ және Петербургтану орталығында, ШКАФ арт-резиденция және кітапханасында, Ресей Ұлттық кітапханасында жалғасын тапты. Мәскеу қаласындағы форумның жалғасы қатысушы жас кітапханашыларға М.И.Рудомино атындағы Шетел әдебиеті кітапханасымен танысуға, «Нити культуры» эссе байқауында бақ сынауға мүмкіндік берді. Осы байқауда Мадина «Национальные традиции и обычаи» номинациясы бойынша үздік деп танылды. Қызметкеріміздің жұмысына табыс, сәттілік тілейміз. Биіктерден көрініп, сайыстарда оза шауып, өз ісінің нағыз маманы болатынына сенім білдіреміз!

Аталмыш  форумның ізін ала 25-26 сәуір күндері Мәскеу қаласында өткен «Сохраним историческую правду для будущих поколений» атты Халықаралық жастар форумына Шетел әдебиеті қызметінің кітапханашысы Ажкенова Райна қатысып келді. Форумға ТМД елдерінен және Ресейдің аймақтарынан жас кітапханашылар қатысты. Райна «Библиотеки Казахстана в годы войны» тақырыбында баяндамасын сәтті қорғап шықты. Жас әріптесімізге алдағы жұмыстарына сәттілік тілейміз, кітапханамыздың абыройын асқақтатар шараларда бой көрсете беруіне тілектеспіз.