![](/sites/default/files/styles/news_medium/public/2023-05/WhatsApp%20Image%202023-05-12%20at%2010.23.15.jpeg?itok=OY98e6d-)
Көрнекті әдебиеттанушы ғалым, ҚР ҰҒА академигі, Қазақстан Республикасы Мемлекеттік сыйлығының және Ш.Уәлиханов атындағы сыйлықтың иегері, Қазақстан Республикасы ғылымына еңбегі сіңген қайраткер Зәки Ахметовтің 95 жылдығына арналған «КӨРКЕМ СӨЗДІҢ ЗЕРГЕРІ»
12 мая 2023
Көрнекті әдебиеттанушы ғалым, ҚР ҰҒА академигі, Қазақстан Республикасы Мемлекеттік сыйлығының және Ш.Уәлиханов атындағы сыйлықтың иегері, Қазақстан Республикасы ғылымына еңбегі сіңген қайраткер Зәки Ахметовтің 95 жылдығына арналған «КӨРКЕМ СӨЗДІҢ ЗЕРГЕРІ» Халықаралық ғылыми-теориялық конференциясы өтті.
Конференция жұмысының алдында академиктің жеке кітап қорымен жекелеген заттарынан тұратын арнайы көрме мен қолжазбалармен танысты. Қолтаңбалы кітаптарынан тұратын кітап көрмемен танысып, қонақтар біршама естеліктерімен бөлісті.
Конференцияға Қырғызстан ҰҒА Ш. Айтматов атындағы Әдебиет институтының директоры, ф.ғ.д. Н. Исаева (Бішкек, Қырғызстан), ҚР ҰҒА академигі Ж. Әбділдин, ҚР ҰҒА академигі С. Қасқабасов, Шәкәрім атындағы Семей университетінің профессоры, ф.ғ.д. А. Еспенбетова (Қазақстан, Семей), Қожа Ахмет Ясауи атындағы қазақ-түрік университетінің профессоры, ф.ғ.д. Ш. Ибраев (Қазақстан, Түркістан), ф.ғ.д. А. Ісмақова, мемлекет және қоғам қайраткерлері Әлібек Асқар сияқты зиялы қауым өкілдері, ақын-жазушылар, ЖОО оқытушылары мен ғалымдар, жалпы білім беретін мектеп мұғалімдері мен докторанттар, магистранттар, зиялы қауым өкілдері қатысты.
Естеріңізге сала кетейік, кітапханамыз академиктің 95 жылдығына арнайы библиографиялық көрсеткішін дайындаған болатын, ЕҰУ-де өткен «Гуманитарлық ғылымдар тоғысындағы әдебиеттанудың жаңа парадигмалары» тақырыбында өткен конференцияда арнайы танысытырылып, оқырманға жол тартты.