Бес күнге жоспарланған «Eurasian Book Fair-2023» Еуразиялық халықаралық кітап көрме-жәрмеңкесінің үшінші күні де елордалықтар түрлі әдеби, рухани шаралардың куәсі болды. Адам баласының сан ғасырлық ақыл ойының жемісі болған кітап-қазына тойынакелген жұртшылық ҚР Ұлттық академиялық кітапханасы ұйымдастарған мәдени және іскерлік бағдарламаларына белсенді қатысты.

«Абай алаңында» балалар әдебиетінің дамуына сүбелі үлес қосып жүрген жас қаламгер, жазушы Зәуре Төреханоқырмандармен кездесті. Кішкентай оқырманына фэнтези жанрында, заманауи үлгіде қызықты туындылар ұсынып жүрген жазушы шығармашылық жолындағы ізденістерімен бөлісті.

Түс ауа белгілі психолог, тренер Сейілбек Мырзабай жиналғандарға «Отбасылық ортақ тәртіп» атты танымдық кездесу өткізді. «Балалықтан даналыққа» өту жолындағы ата-ананың ықпалы, ортаның тәлімі жан-жақты сөз болған рухани әңгімені тапжылмай отырып тыңдағандар көп болды. 

Алдағы демалыс күндері де оқырмандар үшін ҚР Ұлттық академиялық кітапхана біршама мәдени, әдеби шаралар өткізуді жоспарлап отыр. Рухани кездесулерден қалыс қалмаңыздар!