"АЛҚА" әдеби-мәдени клубының салтанатты ашылуы

04 октября 2022

 

Құрметті оқырман, жақында ғана "Алқа" әдеби-мәдени клубының ашылу салтанаты өтті. «Алқа» әдеби-мәдени клубының тарихы тереңде. 1924-1925 жылдар Мағжан Жұмабай Мəскеуде көркем-əдебиет институтының соңғы курсында оқыды. Бұл ақынның кеңестік империя астанасында аз уақыт болса да шығармашылықтағы ортада білім алып, ой қорытып, кемеліне келген шағы-тын. Ақын ұлт зиялыларымен бірге азаттық үшін қозғалысқа белсенді түрде атсалысты, соның бір көрінісі ретінде Мағжан құрған «АЛҚА» әдеби-мәдени клубын айта аламыз. Клуб идеясы бойынша Мағжан Бекенұлы былай дейді:

«Қазақ елі, Еуропа мəдениеті көзімен қарағанда, мəдениет қоры, əдебиет қоры жоқ кедей ел болғандықтан, біздің жазушыларымыз не əскерлік, не азаматтық міндетін ұмытып, құр ақындыққа қамалып қалуы мүмкін, əсіресе, ақындық міндетін біле алмай, жалпы айқайдың екпінімен кетуі мүмкін. Адабиятты – айқай ғана деп, мәдениетті– үгіт-насихат қана деп ұғуы мүмкін. Осы қателіктердің шет пұшпағын көріп, адабият қазанының бір құлағына жармасып жүрген біз, тоғыз ойланып, тоқсан толғанып, төмендегі пікірлерді ортаға салуды өзіміздің борышымыз деп білдік- дейді. Мағжан айтқан осы қателіктерді ескере отыра алқаны қайта жаңғырттық. Біздің мақсат кешегі Мағжан бастаған әдебиет пен мәдениеттегі сара жолды жалғау. Клуб мәдениетін қайта қалпына келтіру. Ізденімпаз оқырмандардың басын бір ортаға жинау.

         Ал, 1 қазан  клубтың алғашқы бас қосуы болды. Клуб мүшелері белгілі жазушы Төлен Әбдіктің "Тозақ оттары жымыңдайды" атты шығармасын оқып келіп, алған әсерлерін, түйген ойларын ортаға салды.  "Кітапты мөлшерлеп оқып, өлшеммен үйреніңіздер, көбірек толғаныңыздар..." – деген Л. Толстойдың сөзін көңілге түйген оқырмандар пікірталасы өте қызық болды.  Шығармадан әркім керегін алды, түйінін жасады. Біз үшін әр оқырманның пікірі маңызды. Сондықтан бұл клубқа еңбектеген баладан еңкейген қарияға дейін мүше бола алады. Ең басты талап – кітапқа деген махаббатыңыз, оқуға деген құштарлығыңыз болса болды.  "Ерлік бар жерде жеңіс бар, Ізденіс бар жерде жеміс бар" дегендей осындай талапты оқырмандардың еңбегі жемісті, ойлары келісті боларына сенеміз. Келесі кітап талдаудан сіз де қалмаңыз, ортамызға қосылыңыз!

Календарь событий

28 - 29
марта

13:00

Армян әдебиеті бұрышының ашылу салтанаты

2 қабат,фойе М. Мақатаев залы

8-(7172)-47-26-75

29
марта

16:00

"Шетел әдебиетін әуескойлар клубы" клуб отырысы

Ф. Оңғарсынова залы

8-(7172)-47-26-75