«Алқа» әдеби-мәдени клубының 8 қазан кезекті отырысы өтті. Осы отырыста «Эмоцияның өлуі» атты тақырыпты талқылады. Бұл Отбасы хрестоматиясы қорының сериясымен шыққан Қисса-сүл әнбия атты кітаптың бір бөлімі еді. Алқаның осы отырыстағы  форматы өзгеше болды. Клубқа келген оқырмандарды жеребе арқылы Яссауи, Шәкәрім және Мәшһүр Жүсіп деп  3 топқа бөлді. Тақырыптың жан-жақты ашылуына топтық жұмыс себеп болатынын ұғындық. 1- кезеңде әр топқа бір-бір сұрақтан қойылды. Сұрақтар легі «Адам кім?», «Адамның бөлшектенуі дегеніміз не?», және « Машина адамдар кімдер?» іспетті болды. Әр топ бұл сұрақты жан-жақты қарастырды. Жауапты антика замамынан бастаған топтарда болды. 2- кезеңде адамның адам болып қалуы хақысындағы қиссалар айтылса, 3-кезеңде «Эмоцияның өлуі» туралы әр адам өз ойын айтты.

        Қорыта келе, жаһандану заманында  адам өзін жоғалтумен қатар эмоциясын да жоғалтуда. Яғни «қуыс кеуделік» күн тәртібіне шықты. Біз мұнымен қалай күресе аламыз дегенде жауап біреу ғана. Әуелі өз көкірегімізді құндылыққа толтыру сонсоң оқу-ағарту  және әдеби-мәдени салаларындағы осындай клубтарға мүше болу. Ғалам адам үшін, ал адам адам үшін.