![](/sites/default/files/styles/news_medium/public/2022-10/PBG00184.jpg?itok=f06624dX)
24-қазан ел аумағында тұңғыш рет «КІТАПХАНАШЫЛАР КҮНІ» мерекесі атап өтілді.
27 октября 2022
24-қазан ел аумағында тұңғыш рет «КІТАПХАНАШЫЛАР КҮНІ» мерекесі атап өтілді.
Республикалық «Кітапханашылар күні» кәсіби мерекесіне орай Роза Бағланова атындағы «Қазақконцерт» мемлекеттік концерттік ұйымында мерекелік кеш өтті.
Іс-шараға ҚР Мәдениет және спорт министрі Дәурен Әскербекұлы Абаев, ҚР Парламенті Сенатының депутаты Нұртөре Жүсіп, ҚР Парламент Мәжілісінің депутаттары Жұлдыз Сүлейменова мен Мақпал Тәжмағамбетова, ақын Сұраған Рахмет, Қазақстанның әр өңірінен келген барша кітапханашылар, Мемлекет және қоғам қайраткерлері, зиялы қауым өкілдері, ұлттық ЖОО, колледж және мектеп кітапханаларының мамандары, облыстық кітапханалар мен ардагер кітапханашылар қатысты.
Қазіргі таңда Қазақстанда жалпы алғанда 11124 кітапхана бар. Оның 3898-і ҚР Мәдинет және спорт министрлігіне, 7133-і білім беру жүйесіне тиесілі. Бұл кітапханаларға 9 миллионнан астам оқырмандар барады. Қазақстан бойынша 20 мыңға жуық кітапханашы қызмет етеді.
Мерекелік кеш аясында кітапханашылар ҚР Мәдениет және спорт министрлігінің атынан «Мәдениет саласының үздігі» төсбелгісі, «Құрмет грамотасы» және «Алғыс хаттармен» марапатталды.