«Änew – müňýyllyklardan gözbaş alýan medeniýet» атты кітабының таныстырылымы өтті
25 Maýsym 2024
«Änew – müňýyllyklardan gözbaş alýan medeniýet» атты кітабының таныстырылымы өтті
ҚР Ұлттық академиялық кітапханасында Түрікменстан Президенті Сердар Бердімұхамедов «Änew – müňýyllyklardan gözbaş alýan medeniýet» (Анау – мыңжылдық мәдениеттің мәйегі) атты кітабының таныстырылымы өтті.
Тұсаукесер Түрікменстанның Астанадағы мәдениет күндері аясында Қазақстандағы Түрікменстан Елшілігімен бірлесіп ұйымдастырылды.
Халықаралық Түркі мәдениеті ұйымы (ТҮРКСОЙ) 2024 жылды ежелгі Түрікмен қаласы Анау – Түркі әлемінің мәдени астанасы деп жариялаған еді.
Осыған орай жазылған Түрікменстан Президентінің еңбегі түрікмен халқының бай мәдени-тарихи мұрасын жаңғырту, оны әлемде кеңінен насихаттауға бағытталған. Туынды түрлі елдердің тарихшылары, археологтары арасындағы халықаралық байланыстарды дамытуға, Түрікменстан аумағында бірлескен археологиялық және этнографиялық экспедициялар ұйымдастыруға жәрдемдеседі.
Өз кезегінде сөз алған Түрікменстанның Қазақстандағы елшісі Батыр Режепов шараны ұйымдастыруға қолдау көрсеткендерге алғыс білдіріп, үш тілде жарық көрген кітаптың маңыздылығына тоқталды. Түрікмен халқының Ұлттық Көшбасшысының тарихи дерек көздеріне сүйене отырып жазған кітабын кітапханаға сыйға тартты.
Шара барысында қонақтар ақын-философтың және түрікмен классигінің 300 жылдығына арналған кітап-иллюстрациялық көрмесін және Түрікменстанның Астанадағы мәдениет күндеріне арнайы келген қонақтардың өнерін тамашалады.
Іс-шараға дипломатиялық корпус өкілдері, Қазақстан мен Түрікменстанның көрнекті ғалымдары мен жазушылары, Мақтымқұлы Фраги шығармашылығына қызығушы оқырмандар қатысты.
.
