Negizgi qor

 

Negızgı qor – bıryñğai qordyñ bölıgı, ol otandyq jäne şeteldık basylymdardan, anyqtamalyq, oqulyq jäne ğylymi ädebietterden qūralğan. Negızgı qordyñ kölemı - 1 446 195 dana. Qordyñ qūramyna kıtaptar, merzımdı basylymdar, audiokıtaptar, elektrondyq basylymdar, kartalar, notalyq basylymdar, otkrytkalar, mikrofişalar jäne zağip, közı naşar köretın oqyrmandarğa arnalğan Brail kıtaptary kıredı. Sonymen qatar, Qazaqstannyñ körnektı koleksionerlerınıñ, ğylym, mädeniet jäne ağartu ısı qairatkerlerınıñ 30-dan asa qūndy jeke eñbekterı bar. 

Elektrondyq qor (MEQQ) – «Qazaqstandyq Ūlttyq elektrondyq kıtaphana» (QazŪEK) jobasy retınde 2007 jyly qūryldy. Ol - QRŪAK-nyñ qory jäne elımızdıñ aldyñğy qatardağy kıtaphanalary men ğylymi kıtaphanalarynyñ qorynda bar baspa basylymdardyñ elektrondyq köşırmelerınıñ toptamalary. Qor mölşerı 19500 e-köşırmenı qūraidy. Qor jüielı türde tolyqtyrylady jäne www.kazneb.kz portaly arqyly qol jetımdı. Barlyq avtorlardy jäne baspalardy Qazaqstandyq Ūlttyq elektrondyq kıtaphana (QazEŪK) qūruğa atsalysuğa şaqyramyz. E-köşırmeler qoryna kıruge mümkındıkter QR-nyñ avtorlyq qūqyqty qorğau turaly qoldanystağy zañnamalarğa säikes berılgen.

Resmi jäne normativtık basylymdar qory - QR memlekettık, ükımet jäne basqaru organdarynyñ, halyqaralyq mekemeler basylymdary, resmi normativtı-şaruaşylyq qūjattar, QR statistika agenttıgınıñ resmi mamandandyrylğan şyğarmalardyñ qūjattar qory bolyp sanalady. 

Disertasialar men avtoreferattar qoryn barlyq bılım salasy boiynşa qazaqstandyq ğalymdardyñ doktorlyq jäne kandidattyq disertasialary qūraidy. Qor är türlı bılım salalary boiynşa 347 disertasia men 10 000-nan astam avtoreferattar atauynan tūrady. 

Sirek kıtaptar qory qazaq, orys jäne arab tılderındegı 60 basylymdy qamtidy. Bağaly kıtaptar qoryn «Mädeni mūra» memlekettık bağdarlamasy boiynşa şyqqan basylymdar qūraidy. QR ŪAK-nyñ qoryna Qazaqstan tarihy, arheologiasy, etnografiasy men mädenietı boiynşa 550 ataudan tūratyn kıtaptar tüstı. Sonyñ ışınde «Babalar sözı», Europa, Amerika, Avstralia, Afrika, Azia elderınıñ ozyq ädebi şyğarmalary kıretın «Düniejüzılık kıtaphana ädebietı» serialary, «Qazaq ädebietınıñ tarihy», «Qazaq halqynyñ köne zamannan qazırgı künge deiıngı filosofialyq mūrasy», «Älemdık mädeni pıkır», «Ekonomikalyq klasika», «Älemdık filosofialyq mūra». Sonymen qatar, bağaly qorğa «Eurazianyñ altyn koleksiasy» atty qazaqstandyq avtorlardyñ jobasy boiynşa 14 şyğarma engızıldı.

Şetel ädebietterı qory 15000-nan astam köptegen elder tılderındegı basylymdardan qūralğan: tıldık jäne salalyq sözdıkter, anyqtamalyqtar, şetel tılın üirenuşılerge kömekşı qūral oqulyqtary; älem tılderındegı ğylym men tehnikanyñ är türlı salalary boiynşa basylymdar, beletristika, eltanu ädebietterı bar. Äsırese, ağylşyn tılın üirenuşıler üşın testtık emtihandarğa (TOEFL, IELTS jäne t.b.) daiyndaluğa mümkındık beretın kömekşı qūral oqulyqtary taptyrmas kömek. Şetel tarihy men ğylymyna, mädenietı men ädebietıne qyzyğuşylyq tanytuşylarğa keñ kölemdı materialdar, iağni oqulyqtar, CD diskıler, elektrondy oqulyqtar men basqa mälımetter qory ūsynylady.

Öner boiynşa ädebiet qory muzyka, kino, teatr, beineleu önerı, suret, grafika, müsın, säulet önerı, dekorasia-qoldanbaly öner, notalar basylymdarynan tūratyn 11500 danadan astam baspa qūjatynan qūralğan. Qordyñ eñ qūndy bolyp sanalatyn basylymdaryna «Mädeni mūra» memlekettık bağdarlamasy aiasynda şyqqan «Qazaq önerınıñ tarihy», «Qazaqstan HIH ğasyr suretşılerınıñ şyğarmalary», «Qazaq mädenietı», «Qazaq önerınıñ tarihy», Sergei Kalmykovtyñ, Äbılhan Qasteevtıñ älbomdary, Qazaqstan mädenietı, elımızdıñ belgılı kompozitorlary, suretşılerı turaly öner jäne muzyka basylymdary, «Qazaqstan», «Ūlttyq Qazaqstan» ensiklopedialyq sözdıkterı jatady. Sondai-aq, bölım qory audiovizualdy şyğarmalar jäne elektrondyq qūjattar: beinefilm, audiokasseta, yqşam-disk, CD-DVD diskı türındegı «Asyl mūra» seriasynyñ «Jaña Qazaqstannyñ jaña filmderı», «Muzykaly Qazaqstan», belgılı qazaq kompozitorlary şyğarmaşylyğyna arnalğan «Asanälı Äşımov», «Ahmet Jūbanov» siaqty şyğarmalarymen tolyqtyrylğan.

Körkem ädebiet qory Qazaqstan jazuşylarynyñ körkem şyğarmalary men şetel ädebieti klasikterınıñ, qazaq jäne orys tiliderındegı qazırgı zamanğy ädebiet pen balalar ädebietınıñ toptamasynan tūrady. Qordyñ negızın qazaq jazuşylarynyñ üzdık şyğarmalary engen «Atamūra kıtaphanasy», «Otyrar kıtaphanasy» siaqty serialardan qūralğan toptama qūraidy. 

Anyqtamalyq-bibliografialyq qor (ABQ) qazaq jäne orys tılderındegı ensiklopedialar men ensiklopedialyq sözdıkterden (ämbebap jäne salalyq), anyqtamalyqtar men sözdıkterden (tüsındırme, terminologialyq, orfografialyq jäne t.b.), bibliografialyq körsetkışter men memlekettık bibliografia basylymdardan (kıtap, jurnal, gazet jylnamalary), memlekettık mültimedialyq basylymdardan (CD-ROM) qūralğan. Sondai-aq, «Zañ» jäne «Paragraf» AIJ bar.

Kıtaphana ısı basylymdary qorynda (KIBQ) kıtaphanatanu, bibliografiatanu, kıtaptanu jinaqtary toptastyrylğan. Olar – qazaq, orys, ağylşyn tılderındegı kıtaptar. Negızgı qordy käsıptık merzımdı basylymdar, ädıstemelık materialdar, konferensia, mäjılıs materialdary, Qazaqstan kıtaphanalarynyñ basylymdary, anyqtamalar, normativtık materialdar, ensiklopedialar, termindık sözdıkter, maqalalar jinağy, bibliografialyq körsetkışter jäne t.b. qūjattar qūraidy.