Әдебиеттанушы, фольклор зерттеушісі, сыншы, Қазақстан Ұлттық Ғылым академиясының академигі Рахманқұл Бердібай ғылыми шығармашылығына арналған «ҰЛТЫН ҰЛЫҚТАҒАН ҒҰЛАМА» атты дөңгелек үстел өтті.
01 Jeltoqsan 2023
Әдебиеттанушы, фольклор зерттеушісі, сыншы, Қазақстан Ұлттық Ғылым академиясының академигі Рахманқұл Бердібай ғылыми шығармашылығына арналған «ҰЛТЫН ҰЛЫҚТАҒАН ҒҰЛАМА» атты дөңгелек үстел өтті.
Ғалым Рахманқұл Бердібайдың есімі әдебиет саласында ерекше орын алады. Ғұлама ғалымның биік тұлғасы, энциклопедиялық зердесі, азаматтық ұстанымы өмірде өзінің лайықты бағасын алған. Қазақ әдебиеті ғылымына ғана емес, түркі дүниесінің руханиятына өлшеусіз үлес қосқан ғұламаның ұлт мүддесін қорғаған батыл үні өткен ғасырдың бел ортасында естіле бастады.
Кеш қонақтары ұлт мүддесін серік еткен ғалым қайраткердің кеңестік саясатқа қайшы көзқарастары үшін де қиындықтарды бастан кешіргенін, Ғалым еңбектерінің журналистикадан бастау алып, әдеби өмірдің майданында руханияттың асқақ әлеміне ұласқан шығармашылық жолын жан-жақты талқылады.
Шараның модераторы – ғалым, филология ғылымдарының докторы, ҚР ҰҒА академигі Уәлихан Қалижанов Р. Бердібайдың өмір жолында 32 кітап, мыңнан аса ғылыми мақала жазғанын, соның іщінде тарихи ақиқаттарды бұрмаламай көрсетіп, тоқырау жылдарындағы ұлттың шыңдалу процесінде белсене қатысқанын тіліне тиек етті.
Шараның мақсаты – Р. Бердібайдың қазақ ауыз әдебиетін зерттеуде салған сара жолын, қазақ музыкасы мен тарихи мұраларды қалпына келтірудегі зор еңбегін бүгінгі ұрпаққа насихаттаудың жолын қарастыру.
Дөңгелек үстелге жиналғандар ғалым Р. Бердібайдың сұхбатынан үзінді тамашалады.
Тағылымды кешке зиялы қауым өкілдері, әдебиеттанушы, өнертанушы, қоғамтанушы ғалымдар, мемлекет және қоғам қайраткерлері, қазақ ақын-жазушылары, Қазақстанның мәдениет және өнер қайраткерлері қатысты.
