![](/sites/default/files/styles/news_medium/public/2023-07/WhatsApp%20Image%202023-07-31%20at%2009.42.02.jpeg?itok=S5F430aT)
ҚР Ұлттық академиялық кітапханасының құжаттар қоры "Ғылым ордасы"орталық ғылыми кітапханасынан келген құнды кітаптармен толықты.
31 Shіlde 2023
ҚР Ұлттық академиялық кітапханасының құжаттар қоры "Ғылым ордасы"орталық ғылыми кітапханасынан келген құнды кітаптармен толықты. Осы жылдың сәуірінде кітапхана қызметкерлері Алматыға арнайы барып, ғылыми институттармен меморандумға отырып, кітапхана қорларымен кітап алмасып қайтты.
Кітапханаға Қазақстан Республикасы Ғылым және жоғары білім министрлігіне қарасты «Ғылым ордасы» РМК жанындағы Орталық ғылыми кітапханасынан, Ә.Марғұлан атындағы археологиялық, Р.Б.Сүлейменов атындағы Шығыстану, Экономика институттарынан және А.Байтұрсынұлы атындағы Тіл білімі институтының баспаларынан шыққан ғылыми зерттеулер, библиографиялық көрсеткіштер, археологиялық, тарихи, әдеби, құнды 400-ден астам кітап келді. Жобаның мақсаты - кітаптарды ғылыми айналымға енгізу, оқырманға қолжетімділігін қамтамасыз ету. ҚР Ұлттық академиялық кітапханасында ғылыми кітапханалардан сыйға келген кітаптардың арнайы көрмесі қойылған.