«Айырылысу, табысу және арылу туралы толғам»
22 Maýsym 2023
Кітапханада көрнекті мемлекет және қоғам қайраткері, бокстан КСРО спорт шебері Амалбек Тшановтың «Айырылысу, табысу және арылу туралы толғам» атты мемуарлық кітабының таныстырылымы өтті.
Кітап «Қазығұрт» баспасынан жарық көрген. Автор өз замандастарының басынан өткен жағдайлар туралы терең толғана отырып, дүниені мүлде басқа қалыпта қабылдайтын бүгінгі жас жеткіншектердің санасындағы психологиялық қайшылықтарды дұрыс пайымдауға тырысады. Түрлі ой-толғаныстан тұратын жинақ «Ұлы мәртебелі адам», «Ұйқыдағы патшалық», «Орға жығатын да, шыңға шығаратын да билік», «Жеміс ағашы және тас пен таяқ», «Атқа міндім екен деп», «Қос ананың құшағындағы жылу» атты негізгі алты бөлімнен тұрады.
Әдеби шараға зиялы қауым өкілдері, әдебиеттанушы ғалымдар, зерттеушілер, әдебиетшілер, ақындар мен жазушылар, қоғам қайраткерлері және БАҚ өкілдері қатысты.
