Қазақстан Республикасы ғылымына еңбегі сіңген қайраткер Зәки Ахметовтің 95 жылдығына арналған «ГУМАНИТАРЛЫҚ ҒЫЛЫМДАР ТОҒЫСЫНДАҒЫ ӘДЕБИЕТТАНУДЫҢ ЖАҢА ПАРАДИГМАЛАРЫ» Халықаралық ғылыми-теориялық конференциясы бастау алды.
04 May 2023
4 мамыр күні Л.Н.Гумилев атындағы Еуразия Ұлттық университетінде көрнекті әдебиеттанушы ғалым, ҚР ҰҒА академигі, Қазақстан Республикасы Мемлекеттік сыйлығының және Ш.Уәлиханов атындағы сыйлықтың иегері, Қазақстан Республикасы ғылымына еңбегі сіңген қайраткер Зәки Ахметовтің 95 жылдығына арналған «ГУМАНИТАРЛЫҚ ҒЫЛЫМДАР ТОҒЫСЫНДАҒЫ ӘДЕБИЕТТАНУДЫҢ ЖАҢА ПАРАДИГМАЛАРЫ» Халықаралық ғылыми-теориялық конференциясы бастау алды. Конференция «КӨРКЕМ СӨЗДІҢ ЗЕРГЕРІ» атаумен 5 мамыр күні ҚР Ұлттық академиялық кітапханасында жалғасын табады. Басталуы 11:00-де.
Конференцияға Қырғызстан ҰҒА Ш. Айтматов атындағы Әдебиет институтының директоры, ф.ғ.д. Н. Исаева (Бішкек, Қырғызстан), Әлішер Науаи атындағы Ташкент мемлекеттік Өзбек тілі мен әдебиеті университетінің профессоры, ф.ғ.д. У. Жоракулов (Ташкент, Өзбекстан), ҚР ҰҒА академигі Ж. Әбділдин, ҚР ҰҒА академигі С. Қасқабасов, Шәкәрім атындағы Семей университетінің профессоры, ф.ғ.д. А. Еспенбетов (Қазақстан, Семей), ф.ғ.д., профессор С. Негимов, Қожа Ахмет Ясауи атындағы қазақ-түрік университетінің профессоры, ф.ғ.д. Ш. Ибраев (Қазақстан, Түркістан) сияқты көрнекті ғалымдар мен ҚР Сенат және Парламент депутаттары, ҚР Ғылым және жоғары білім министрілігі, ҚР Ақпарат және қоғамдық даму министрілігі, ҚР Оқу ағарту министрілігі, ҚР Мәдениет және спорт министрлігі басшылары мен қызметкерлері, мемлекет және қоғам қайраткерлері Шәрбану Бейсенова, Сауытбек Абдырахманов, Әлібек Асқар сияқты зиялы қауым өкілдері, ақын-жазушылар, ЖОО оқытушылары мен ғалымдар, жалпы білім беретін мектеп мұғалімдері мен докторанттар, магистранттар, зиялы қауым өкілдері, мемлекет және қоғам қайреткерлері, БАҚ өкілдері қатысты.
Конференция барысында Зәки Ахметовтің библиографиялық көрсеткішінің тұсауы кесіліп, қолжазбаларынан және жеке кітап қорынан қолтаңбалы кітаптарынан тұратын көрме қойылып, танысытырылымы болады.
