![](/sites/default/files/styles/news_medium/public/2023-01/WhatsApp%20Image%202023-01-18%20at%2012.23.26%20%281%29.jpeg?itok=fpwsfTnp)
Абылайхан Қалназаровтың «ШЫМКЕНТТІҢ ЖҰМСАҚ КҮШІ» атты кітабының таныстырылымы
18 Qańtar 2023
ҚР Ұлттық академиялық кітапханасында мәдениеттанушы-философ, PhD доктарант Абылайхан Қалназаровтың «ШЫМКЕНТТІҢ ЖҰМСАҚ КҮШІ. Шымкент қаласының брендін тиімді басқару мен имидж-идеологиясын ілгерілету бойынша коммуникативтік стратегия (Талдаулар мен ұсыныстар)» атты кітабының таныстырылымы өтті.
Аталмыш аналитикалық-ұсынымдық зерттеу еңбек мемлекет тізгінін ұстаған барлық деңгейдегі басшылар мен идеологтарға нұсқаулық-қойын кітапша ретінде әзірленген.
Теориялық базасы Ұлыбритания үкіметінің кеңесшісі, Еуропа парламентінің депутаты, ағылшын ғалымы Саймон Анхольт концепциясына негізделген және де Шымкент қаласы мысалында Қазақстан қалалары мен өңірлерінің брендін тиімді басқару мен имидж-идеологиясын тұжырымдап, ілгерілету бойынша үлгілік ұсынымдар мен талдаулар жасалған.
Сондай-ақ автордың айтуынша, кітаптың басты жаңалығы – Республиканың жаһандық даму контексті аясында Шымкенттің аумақтық брендингі, жергілікті ерекшеліктері мен имиджін, идеологиялық мәнін, тарихнамалық дәстүрлері мен сәйкестілігін анықтау мәселелерін талдай отырып жалпықазақстандық өркениетті ел құру инженериясына қатысты құнды ойлар.
Практикалық жағы – Шымкент қаласындағы жаңа ақпараттық-медиалық түйін-түйткілдермен жұмыстану, ішкі-сыртқы дағдарыстарға қарсы жұмыс, нақты стратегемалар мен идеологемаларды басшылыққа алу бағыттары алғаш рет заманауи PR, менеджмент және soft power – саяси-идеологиялық концепциялар аясында қарастырылғаны. Яғни мемлекетшіл ойлау мен әдістеме тұрғысынан таразыланған барлық ақыл-кеңестер мен ұсынымдар дереу қолданып, іске асыруға жарайды.
Кітаптың таныстырылымына Л.Н.Гумилев атындағы ЕҰУ-нің профессорлары, танымал блогерлер мен журналистер, зиялы қауым өкілдері және кітапхана оқырмандары қатысты.