«Aq jol» және қазақ баспасөзі» атты дөңгелек үстел
13 Qyrkúıek 2022
Нұр-Сұлтан қаласындағы ҚР Ұлттық академиялық кітапханасында 2022 жылдың 7 қыркүйек күні Жамбыл облыстық «Aq jol» газетінің 100 жылдығына орай «Aq jol» және қазақ баспасөзі» атты дөңгелек үстел өтті.
«Aq jol» газетінің тарихы: Газет 1922 жылдың 1 мамырында Әулиеата аймағында «Вольная беднота» газетінің қосымшасы ретінде жарық көрді.
Іс-шараның басты мақсаты: «Aq jol» газетінің өткен тарихы, жүріп өткен жолы мен бүгінгі тіршілігі және жалпы қазақ баспасөзінің қазіргі ахуалы туралы кеңінен әңгімелеу.
Аталған жиынға ҚР Парламенті Мәжілісінің депутаты Мейрамбек Төлепберген, Жамбыл облыстық ішкі саясат басқармасының басшысы Алмас Садубаев, жазушы, Жамбыл облысының Құрметті азаматы,«Aq jol» газетінің ардагері Елен Әлімжан, жазушы, Қазақстанның Еңбек сіңірген қайраткері, «Aq jol» газетінің ардагері Көсемәлі Сәттібайұлы, «Aq jol» газетінің шолушысы Амангелді Әбіл, «Aulieata-Media» ЖШС бас директоры Оралхан Дәуіт, ҚР Парламенті Сенатының депутаты Нұртөре Жүсіп, ҚР Парламенті Мәжілісінің депутаты Дархан Мыңбай, ҚР Президентінің кеңесшісі Мәлік Отарбаев, ақпарат және қоғамдық даму министрі Дархан Қыдырәлі, ҚР Парламенті Мәжілісінің депутаты Жанарбек Әшімжан және баспасөз қайраткерлері, кітапханашылар мен оқырмандар қатысты.
