Қазақстан Республикасы Президентінің жанындағы Мемлекеттік басқару академиясында дәріс
02 Qarasha 2024
ҚР Ұлттық академиялық кітапханасының директоры Ғазиза Құдайбергенқызы Қазақстан Республикасы Президенті жанындағы мемлекеттік басқару академиясында «Ауыл кітапханасы: бүгінгі ахуалы мен дамыту жолдары» тақырыбында лекция оқыды.
«Ауыл» партиясы ауылдық аумақтардың мәселелерін көтеріп, оны шешу жолдарын ұсыну мақсатында ҚР Президентінің жанындағы Мемлекеттік басқару академиясымен бірлесіп, «Ауылдық аумақтарды басқару» талқы алаңын ұйымдастыруда. Екі апта сайын өткізілетін шараға ҚР Парламенті Мәжілісінің депутаттары, құзырлы министрліктердің қызметкерлері, ғалымдар, аудан және ауыл әкімдері, Академияның докторанттары мен магистранттары, баспасөз ақпарат құралдарының өкілдері қатысты.
Президент Қасым-Жомарт Тоқаев Ұлттық Құрылтайда «Ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз»-деген еді. Еліміздің 38 пайыз тұрғыны ауылдық елді-мекендерде тұрады. Республика бойынша 11 мыңға жуық кітапхана болса, олардың 79 пайызы ауылдық жерлерде орналасқан.
Ғ.Құдайбергенқызы лекцияда ауыл, елді мекендердегі кітапхана жұмысының жандануы, кітапхана мен қоғамның байланысы, оқырман тарту және жастарды кітап оқуға баулу турасында өз тәжірибесімен бөлісіп, кітапхана ісін дамыту жолындағы кеңесімен бөлісті, тыңдаушы тарапынан жолданған сұрақтарға жауап берді.
