25 ақпан күні ақын, әдебиеттанушы Асан Ақеркенің «Айша бибі» жыр жинағының таныстырылымы өтті
27 Aqpan 2023
25 ақпан күні ақын, әдебиеттанушы Асан Ақеркенің «Айша бибі» жыр жинағының таныстырылымы өтті.
Асан Ақерке – Л.Н. Гумилев атындағы ЕҰУ Орыс филологиясы кафедрасының аға оқытушысы. «Ақзер», «Айша бибі» жыр жинақтары жарық көрген. Ақеркенің қаламынан туған өлеңдері, әдебиеттану, әдеби сын бағытында жазған мақалалары, сұхбаттары мен ғылыми мақалалары көптеген басылымдар мен сайттарда жарияланып отырады.
2022 жылы «Жаңа қазақ әдебиеті» сериясымен жарық көрген «Айша бибі» жыр жинағы еліміздің кітапханаларына жеткізілген еді. Кітапта ақынның махаббат сезімі мен жастық шақты сипаттайтын лирикалық жырларымен қатар тарихи тұлғаларға арналған ой-толғаулары жинақталған.
