Qazaqstan Respublikasynyñ Ūlttyq akademialyq kıtaphanasynda B. N. Elsin atyndağy Prezidenttık kıtaphananyñ qyzmetkerlerımen kezdesu öttı. Delegasia qūramynda Resei Federasiasy Prezidentı ıs basqarmasynyñ aqparattyq jäne komunikasialyq tehnologialar basqarma basşysy - Grinevich Sergei Leonidovich, aqparattyq jäne komunikasialyq tehnologialar basqarmasy basşysynyñ jetekşı keñesşısı - Budylina Aleksandra Vladimirovna, Prezidenttık kıtaphananyñ Bas direktory - Nosov İuri Stanislavovich jäne kıtaphana qyzmetkerlerı.

Kezdesu barysynda QR Ūlttyq akademialyq kıtaphanasy men RF B.N.Elsin atyndağy Prezidenttık kıtaphanasy arasyndağy  yntymaqtastyq turaly ekıjaqty memorandumğa qol qoidy.

B. N. Elsin atyndağy prezidenttık kıtaphana - qory sirek kezdesetın tarihi qūjattar men kıtaptardan, sondai-aq oqyrmandar üşın qoljetımsız bolğan tanymal mūrağattyq materialdardan tūratyn ırı elektrondyq kıtaphanalardyñ bırı. Olardyñ ışınde: KSRO men Resei Konstitusialarynyñ tüpnūsqalary, Nikolai II-nıñ taqqa otyru jäne Resei Federasiasy Prezidentterınıñ inaugurasiasy, Petr kezeñı men 1551-1830 jyldardağy qolmen basyp şyğarylğan basylymdar, Ekaterina  II-şı jäne Pavel I-şı maqtau qağazdary bar.