«Aq lalagülder mekenı – Finländia»    

Alqalyq oqyrmandar kezektı basqosuda «Aq lalagülder mekenı – Finländia» atty kıtapty taldady. Taldau toptyq jūmys formatynda 3 kezeñ boiynşa öttı. Alğaşqy kezeñde Finländianyñ jai-küiı men kıtap mazmūny aityldy. Taraular boiynşa oqyrmandar baiandama jasady.

Ekınşı kezeñ «Bızdıñ fenomen» dep ataldy. Qazaq mädenietıne ärı memleket retınde qalyptasuğa yqpal etken tūlğalar boiynşa oqyrmandar öz fenomenın aitty. Toptar öndırıs, ruhaniat, qairatkerlık salasynda jetıstıkke jetken qazaqtyñ fenomenderın eske tüsırıp, eñbegımen elge jaqqan tau tūlğalardyñ qyzmetın saralady. Öndırıs boiynşa Qūrmanğali Qosşyğūlūly, ruhaniat boiynşa Ahmet İassaui, Abai, Şäkerım jäne Mäşhür Jüsıptı tılge tiek ettı. Üşınşı kezeñ «Qazaqstan – ... mekenı» dep ataldy. «Bız qalaimyz, bız jasaimyz» stilınde Qazaqstan jaily öz oilaryn aityp, aiğaq keltırdı. Mäselen, bırınşı top «Qazaqstan – kiıkter mekenı» dese, ekınşı top «Qazaqstan – qyzğaldaqtar mekenı», – dedı. Al üşınşı top «Qazaqstan – qairatker, qaisar ruhty tūlğalar mekenı. Halqymyz ğasyrlar boiy arystandai aibatty, jolbarystai qairatty jastar tärbieleudı o bastan közdegen el. Eldık maqsatta jūmyla bıletın jastar tärbieleu qazır de özektı mäsele», – dep keştı tüiındedı.        

Sondai-aq būl talqyğa «Aq lalagülder mekenı – Finländia» atty kıtapty qazaq tılıne eñ alğaş tärjımalağan jazuşy Älia Ömırzaqqyzy da qatysty. Oqyrmandarmen jüzdesıp, öz äserımen bölısken avtor eñ soñynda K. Ahmetovanyñ tuğan jer turaly öleñın oqyp berdı. Avtordyñ oida joqta keluı de oqyrmandarğa keremet  tosyn syi boldy.