Кітапханада Халықаралық нашақорлыққа күрес күніне орай «Сенің таңдауың – сенің болашағың» атты тағылымды әңгіме-диалог өтті.

         Іс-шараның басты мақсаты – жастар арасында салауатты өмір салтын насихаттау, нашақорлық індетінің зардаптары қаншалықты ауыр екенін түсіндіру, есірткіге тәуелділіктен бойды аулақ ұстап, саналы таңдау жасауға шақыру.

         Шара барысында арнайы орталықтан келген дәріскерлер,  жоғары санатты нарколог – Қойшыбеков Тоқтар Төлеуханұлы және дәрігер психиатр – Тұрар Зухра Әсенқызы оқырман балаларға нашақорлықтың жеке адам мен қоғамға тигізер зардабы туралы лекция оқып, есірткіге тәуелділіктің алдын-алу жолдары мен өмірлік ұстанымның маңыздылығы жөнінде ақпарат берді.   Сондай-ақ, салауатты өмір салтын ұстанудың артықшылықтары мен зиянды әдеттердің салдары туралы оқырмандармен пікір алмасты. Шараға мектептің сынып оқушылары мен ұстаздары, ата-аналар, кітапхана оқырмандары қатысты.